کیا موٹرز اور پاک سوزوکی نے پرائس لاک آفر متعارف کروا دی
ملک میں تیزی سے بگڑتی ہوئی معاشی صورتحال کے دوران روپے کی قدر میں کمی اور مہینوں سے جاری درآمدی پابندیوں نے ملک میں مقامی کار ساز اداروں کے لیے شدید تحفظات پیدا کر دئیے ہیں۔ دوسری جانب امریکی ڈالر کے مقابلے روپے کی حالیہ گراوٹ کے بعد، کار کمپنیز جلد ہی معاشی استحکام کی بھی توقع نہیں کر رہی ہیں۔
ان معاشی مسائل کے اثرات کو کم کرنے کے لیے ملک میں کار کمپنیز نے کم از کم اپنی فروخت کے حجم کو برقرار رکھنے اور بقا کے لیے آفرز کا ایک نیا سلسلہ شروع کر رکھا ہے۔
کِیا موٹر کی جانب سے دی جانے والی آفر
حالیہ پیش رفت کے مطابق کیا لکی موٹرز نے پرائس لاک آفر متعارف کرائی ہے۔ اس پیشکش کے تحت آپ کیا پکانٹو، سٹونک، سپورٹیج اور سورینٹو کی فوری ڈیلیوری اور پرائس لاک جیسی آفرز متعارف کروا رہی ہے جبکہ اس وقت SUV کی ڈلیوری کا وقت نہیں بتایا گیا۔
پاک سوزوکی کی پیشکش
دیگر آٹو کمپنیز کے برعکس پاک سوزوکی کو زیادہ مشکلات کا سامنا کرنا پڑ رہا ہے، جس کے نتیجے میں کمپنی نے اس بات پر زور دیا ہے کہ وہ مارکیٹ میں دیگر کمپنیز کی نسبت زیادہ آفرز سامنے لائے
پاک سوزوکی کی نئی آفر آپ کو اس مہینے کی تمام نئی بکنگ پر ’پرائس لاک‘ جیسی سہولت مہیا کرتی ہے۔ یاد رکھیں کہ یہ پیشکش انتہائی مقبول کار سوزوکی آلٹو VX اور کلٹسVXR پر کے علاوہ تمام گاڑیوں کے ماڈلز پر لاگو ہوتی ہے۔
مزید برآں، پاک سوزوکی نئی کلٹس اور ویگن آر ماڈلز خریدنے والوں کے لیے ایک مفت رجسٹریشن ڈیل بھی فراہم کر رہی ہے۔
پاکستان سوزوکی کی سیلز کی بات کریں تو کمپنی کی فروخت جولائی میں 19 فیصد کم ہوئی، جون میں 3009 کاروں کے مقابلے 2444 گاڑیاں فروخت ہوئیں۔
پاکستان سوزوکی موٹر کمپنی نے آلٹو کے 1,440 یونٹس، سوزوکی کلٹس کے 177 یونٹس، سوزوکی ویگن آر کے 245 یونٹس، سوزوکی سوئفٹ کے 249 یونٹس، سوزوکی بولان کے 146 یونٹس اور سوزوکی راوی کے 187 یونٹس فروخت کیے۔
آپ ان آفرز کے بارے میں کیا سوچتے ہیں؟ کیا آپ ان میں سے کسی ایک کا انتخاب کری گے؟ کمنٹس سیکشن میں ہمیں بتائیں۔