کِیا پاکستان کی سٹونک کی بکنگ مزید آسان کر دی
کیا موٹرز پاکستان نے گزشتہ کچھ عرصے میں اپنی مشہور کراسی اوور ایس یو وی سٹونک سے متعلق قیمتوں میں کمی سے لے کر سپیشل آفرز جیسی بہت سی اپ ڈیٹس شئیر کی ہیں اور حیران کن طور پر یہ سلسلہ اب تک جاری ہے۔
اپریل 2024 میں کمپنی نے ایک اور غیر روایتی قدم اٹھاتے ہوئے کِیا سٹونک ای ایکس پلس کی قیمت میں 15 لاکھ روپے کی حیران کن کمی کی جس کے بعد گاڑی کی قیمت 6280000 روپے سے کم ہو کر 4767000 روپے ہو گئی۔ بعدازاں، جون 2024 میں کمپنی نے اس آفر کو ایک محدود مدت کی پیشکش قرار دیتے ہوئے ختم کر دیا اور کار کی قیمت میں 733000 روپے کا اضافہ کیا لیکن یہ اضافہ پھر بھی کم کی گئی قیمت کا نصف تھا۔
تاہم حالیہ اپ ڈیٹ کے مطابق کمپنی نے سٹونک کی بکنگ کی قیمت میں مجموعی طور پر 1125000 روپے کی کمی کی ہے۔ جس کے بعد گاڑی کی بکنگ پرائس 2500000 روپے سے کم ہو کر 1375000 روپے ہو گئی ہے۔ خیال رہے کہ کمپنی کی جانب سے کی گئی سوشل میڈیا پوسٹ میں اس آفر کو بھی محدود مدت کیلئے پیش کیا گیا ہے۔
کِیا سٹونک کے فیچرز و دیگر خصوصیات
انجن اور ٹرانسمشن
جیسا کہ ہم آپ کو بتا چکے ہیں کہ کِیا سٹونک میں 1400 سی سی MPI انجن دیا جائے گا جو 100 ہارس پاور اور 130Nm ٹارک پیدا کرنے کی صلاحیت رکھتا ہے۔ اس کے علاہوہ گاڑی میں فرںٹ ویل ڈرائیو (FWD) کے ساتھ 6 سپیڈ آٹومیٹک ٹرانسمشن دی گئی ہے۔
ایکسٹیرئیر
کِیا سٹونک میں ایل ای ڈی ہیڈلائٹس اور ایل ای ڈی DRLs کے علاوہ 16ا نچ کے الائے ویلز دئیے گئے ہیں۔ دلچسپ بات یہ ہے کہ اس گاڑی میں سن روف بھی دیا گیا جو کہ صارفین کی توجہ اپنی جانب مرکوز کروانے کیلئے کافی ہے۔ اسکے علاوہ یہاں کو سمارٹ کی انٹری کا آپشن بھی ملتا ہے۔
انٹیرئیر
گاڑی میں 8 انچ فلوٹنگ انفوٹینمنٹ ٹچ سکرین، سنگل زون آٹو کلائمیٹ کنٹرول، کروز کنٹرول اور پش سٹارٹ جیسے فیچرز بھی دئیے گئے ہیں۔
گاڑی پر لگائی گئی آفر کے بارے میں آپ کا کیا خیال ہے؟ کمنٹس سیکشن میں ہمیں بتائیں۔