کِیا سپورٹیج بلیک ایڈیشن آفیشلی طور پر لانچ – فیچرز و دیگر خصوصیات
کِیا نے آخر کار سپورٹیج کا بلیک لیمیٹڈ ایڈیشن لانچ کر دیا ہے۔ یہ نیا ویرینٹ لاہور میں ایک تقریب کے دوران لانچ کیا گیا۔ صارفین گزشتہ کئی دنوں سے اس گاڑی کا انتظار کر رہے تھے۔ تقریب کی کچھ جھلکیاں یہاں ذیل میں ملاحظہ کریں۔
کمپنی نے آفیشل فیچرز اور خصوصیات کی رونمائی کے دوران اس کے فیچرز اور خصوصیات کو بھی متعارف کرایا ہے۔ اس سے پہلے، ہم نے کار کی آفیشل قیمت 9050000 روپے بتائی تھی۔ جو سپورٹیج AWD سے تقریباً 5 لاکھ روپے زیادہ مہنگا ہے۔
اس کے علاوہ، ہم آپ کے ساتھ کراس اوور ایس یو وی کی لیک ہونے والی تصاویر بھی شیئر کر چکے ہیں جو آپ یہاں دیکھ سکتے ہیں۔ جبکہ گاڑی کے فیچرز و دیگر خصوصیات بھی یہاں دئیے گئے ہیں یا اس کے علاوہ آپ کو بلیک کِیا سپورٹیج میں اضافی آپشنز بھی مل سکتے ہیں۔
آفیشل فیچرز اور خصوصیات
ہم نے پہلے آپ کے ساتھ فیچرز اور دیگر خصوصیات شئیر کی تھیں جن کے بارے میں آپ ان کے بارے میں یہاں پڑھ سکتے ہیں۔ تاہم، اس بلاگ میں، ہم کمپنی کے شئیر کردہ آفیشل بتانے جا رہے ہیں، جو کہ یہ ہیں:
- 19 انچ کے بلیک الائے رمز
- چمکدار بلیک فرنٹ گرل
- بلیک مولڈنگ سائیڈ سِل
- ڈارک سیٹن فِنِش مولڈنگ بیلٹ لائن
- چمکدار بلیک سکِڈ پلیٹ
- پریمیم بلیک لیدر سیٹس
کِیا سپورٹیج AWD اور FWD میں الائے وہیل 18 انچ کے ہیں، یعنی 19 انچ کے الائے ویلز گاڑی میں نیا اضافہ ہیں۔ دوسرا نیا فیچر کار میں کالا فرنٹ لِپ ہے۔ گاڑی کی دیگر تفصیلات اور خصوصیات سپورٹیج AWDجیسی ہی ہیں، سوائے اس کے کہ نئے ویرینٹ کا انٹیرئیر بلیک ہے۔
اگرچہ نئے لمیٹڈ ویرینٹ میں کوئی بڑی تبدیلیاں یا اپ گریڈز نہیں ہیں لیکن یہ واقعی دیکھنے میں بہت اچھا ہے۔ سپورٹیج اور بلیک کلر کے شائقین اس ویرینٹ کو ضرور خریدنا چاہیں گے۔
نئی بلیک کِیا سپورٹیج کے بارے میں آپ کا کیا خیال ہے؟ یہ کار کامیاب ہوگی یا نہیں؟ کمنٹس سیکشن میں اپنے خیالات کا اظہار کریں۔