کیا سٹونک کی قیمت میں 15 لاکھ روپے کی بڑی کمی
کِیا لکی موٹرز نے اپنے ایک ماڈل سٹونک کے ٹاپ ماڈؒل کی قیمت میں حیران کن حد تک 15 لاکھ روپے کی کمی کر دی ہے۔ اس سے قبل پیجو پاکستان نے پیجو 2008 کی قیمتوں میں نہ صرف کمی کی تھی بلکہ انسٹالمنٹ آفر کا اعلان بھی کیا تھا۔ اس کے علاوہ گزشتہ ماہ کے اوائل میں کِیا نے سپورٹیج کی قیمتوں میں کمی کی گئی تھی۔
سٹونک EX+کی نئی قیمت
پاکستان میں لکی موٹرز کارپوریشن (LMC) نے سی کے ڈی آپریشنز کے پانچ سال مکمل ہونے کے موقع پر سٹونک ای ایکس پلس کی قیمتوں میں 15 لاکھ روپے کمی کا اعلان کیا ہے جس کے بعد گاڑی کی قیمت کم ہو کر 4767000 روپے ہو چکی ہے جبکہ پرانی قیمت 6280000 روپے تھی۔
خیال رہے کہ کمپنی نے دیگر ماڈلز کی قیمتیں برقرار رکھی ہیں۔ اس سال کے شروع میں مارچ میں کمپنی نے اپنی مشہور کراس اوور سپورٹیجب کی قیمتیں کم کر دیں تھیں۔ کمپنی نے اس اقدام کے پیچھے وجہ شیئر نہیں کی۔
سپورٹیج کی نئی قیمت
- بیس ویرینٹ سپورٹیج الفا کی قیمت میں 250000 روپے کمی کی گئی ہے جس کے بعد گاڑی کی قیمت 7550000 روپے سے کم ہو کر 7300000 روپے ہو چکی ہے۔
- اسی طرح سپورٹیج FWD کی قیمت 8040000 روپے سے کم کر کے 7740000 روپے کر دی گئی ہے یعنی کہ گاڑی کی قیمت میں 300000 روپے کمی کی گئی ہے۔
- سپورٹیج AWD کی قیمت میں 300000 روپے کمی کی گئی ہے جس کے بعد گاڑی کی قیمت 8770000 روپے سے کم ہو کر 8470000 روپے ہو چکی ہے۔
- سپورٹیج بلیک ایڈیشن کی قیمت میں 300000 روپے کمی کی گئی ہے جس کے بعد گاڑی کی قیمت 9300000 روپے سے کم ہو کر 9000000 روپے ہو چکی ہے۔
معاشی غیر یقینی صورتحال کی وجہ سے گاڑیوں کی قیمتوں میں کمی نہ صرف مارکیٹ کے حالات کی عکاسی کرتی ہے بلکہ صارفین کی سامنے آنے والی ترجیحات کو بھی پورا کرتی نظر آ رہی ہے۔
سٹونک ای ایکس پلس کی قیمت میں حالیہ قیمت میں کمی کے بارے میں آپ کا کیا خیال ہے؟ کمنٹس سیکشن میں ہمیں بتائیں۔