کیا ہیونڈائی پاکستان میں الیکڑک کار لانچ کرنے والی ہے؟
فرض کریں کہ آپ گاڑیوں کے شوقین افراد اور مداحوں میں سے ایک ہیں اور ہیونڈائی پاکستان کے سوشل میڈیا ہینڈلز کو فالو کرتے ہیں۔ اس صورت میں، آپ نے ان کی نئی ٹیزر مہم دیکھی ہوگی، جہاں کمپنی بہت ہی دلچسپ ٹیزر جاری کر رہی ہے، جس سے بڑے پیمانے پر قیاس آرائیاں اور جوش و خروش پھیل رہا ہے کہ کچھ نیا آنے والا ہے۔ ہم بھی کار کمپنی کے سوشل میڈیا ہینڈلز کو قریب سے دیکھ رہے ہیں اور آپ کو بھی ایسا ہی کرنا چاہیے کیونکہ ایسا لگتا ہے کہ کچھ ہے جو جلد سامنے آنے والا ہے۔
اس پوری سوشل میڈیا مہم میں، ایک لائن، “لیڈ دی چارج” سب سے بڑی خاص بات ہے، اور ہمارے خیال میں یہی لائن اس ساری مہم کا مرکز ہے۔ اگر ہم ٹیگ لائن کو الگ کرتے ہیں، تو لفظ چارج کا مطلب کچھ الیکٹرک ہو سکتا ہے اور یہ بھی کہ کمپنی ایک نئی الیکٹرک گاڑی جلد ہی مقامی مارکیٹ میں لانے والی ہے؟ اگر ایسا ہی ہے تو یہ ہیونڈائی کے صارفین اور الیکٹرک گاڑیوں چلانے کے شوقین لوگوں کے لیے کافی دلچسپ خبر ہے۔
الیکٹرک گاڑیاں آٹو موٹیو انڈسٹری میں آنے والا انقلاب ہے، اور ایسا لگتا ہے کہ ہیونڈائی پاکستان نے بھی جوش و خروش کو بڑھاتے ہوئے اس کھیل میں بڑا کھلاڑی بننے کا فیصلہ کیا ہے۔ اس کے علاوہ کمپنی نے ساتھ مقامی آٹو انڈسٹری میں ہمیشہ اپنی وابستگی اور پائیداری کا مظاہرہ کیا ہے اور اس کی سب سے بڑی مثال کمپنی کی ایک ہائبرڈ کار سانٹا فے کی حالیہ لانچ ہے۔
بہرحال، کمپنی کی تشہیری پوسٹس کو بار بار اور قریب سے دیکھنے کے بعد ہم اس فیصلے پر پہنچے ہیں کہ اس بات کا کافی امکان ہے کہ ہیوںڈائی ایک نئی الیکٹرک گاڑی لانچ کرنے کی منصوبہ بندی کر رہی ہے، اور ہم اپنے قارئین کی حوصلہ افزائی کرنا چاہتے ہیں کہ وہ اس بارے میں اپنے خیالات کا اظہار کریں۔
آپ ہمارے سوشل میڈیا پلیٹ فارمز یا ہمارے فورمز پر اس بلاگ کے کمنٹس سیکشن میں اپنی رائے کا اظہار کر سکتے ہیں۔ ہم جاننا پسند کریں گے کہ آپ اس بارے کیا سوچتے ہیں اور Hyundai پاکستان کون سی کار لانچ کر سکتا ہے۔ اور اگر آپ کو بھی یقین ہے کہ یہ ایک الیکٹرک گاڑی ہوگی تو آپ مشہور ہیونڈائی کی مشہور الیکٹرک گاڑیوں کے ناموں پر بھی غور کر سکتے ہیں۔
دریں اثنا، ہم نے اس مہم کے بارے میں معلومات حاصل کرنے کے لیے ہنڈائی پاکستان سے رابطہ کیا ہے اور جب ہمیں اس بارے کوئی اپڈیٹ ملے گی تو آپ کو آگاہ کر دیں گے۔