کِیا سپورٹیج کی قیمت میں محدود مدت کیلئے کمی
پاکستان میں سپورٹیج کی قیمت میں محدود مدت کیلئے کمی کر دی گئی ہے۔ کمپنی کی جانب سے کی گئی سوشل میڈیا پوسٹ میں صارفین سے مخاطب ہوتے ہوئے کہا گیا ہے کہ کِیا کیلئے آپکی محبت لازوال ہے، جس کو مدںطر رکھتے ہوئے ہم نے محدود مدت کیلئے سپورٹیج کی قیمت میں کمی کرنے کا فیصلہ کیا ہے۔
نوٹیفکیشن کے مطابق گاڑی کی قیمتوں میں 251000 روپے تک کمی کی گئی ہے۔
سپورٹیج کی نئی قیمت
- کِیا سپورٹیج الفا کی قیمت میں 251000 روپے کی کمی کی گئی ہے جس کے بعد گاڑی کی قیمت 5999000 روپے سے کم ہو کر 6250000 رہ گئی ہے۔
- اسی طرح دوسرے ویرینٹ کِیا سپورٹیج فرنٹ وہیل ڈرائیو کی قیمت 6750000 روپے سے کم ہو کر 6649000 روپے ہو گئی ہے۔ یعنی بائیک کی قیمت میں 101000 روپے کمی کی گئی ہے۔
- ٹاپ ویرینٹ کِیا سپورٹیج آل وہیل ڈرائیو ((AWD کی قیمت میں بھی 101000 روپے کمی کی گئی ہے۔ جس کے بعد گاڑی کی قیمت 7250000 روپے سے کم ہو کر 7149000 ہو گئی ہے۔
خیال رہے کہ کِیا لکی موٹرز نے اس پیشکش کی مدت نہیں بتائی ہے۔ لہذا، آپ اپنی قریبی کِیا ڈیلرشپ پر جا کر اپنی پسند کا ویرینٹ بک کروا سکتے ہیں۔ امریکی ڈالر کے مقابلے پاکستانی روپے کی مضبوط کارکردگی کے پیش نظر کار ساز کمپنی نے قیمتوں میں کمی کی ہے۔ گزشتہ دس دنوں میں انٹر بینک میں ڈالر کی قیمت 227 روپے سے کم ہو کر 240 روپے کی ریکارڈ بلند ترین سطح سے نیچے آگئی ہے۔
اگرچہ یہ سپورٹیج کار کی مستقل قیمتیں نہیں ہیں، لیکن یہ کمپنی کی طرف سے صارفین کو عارضی ریلیف فراہم کرنے کے لیے ایک اچھا قدم ضرور ہے۔ اگر روپیہ امریکی ڈالر کے مقابلے میں اچھی کارکردگی کا مظاہرہ کرتا ہے تو ہم مقامی آٹو کمپنیوں سے قیمتوں میں کمی کی توقع کر سکتے ہیں۔ لیکن کارکردگی اگلے دو مہینوں تک مستحکم رہنی چاہیے کیونکہ اس سے آٹو انڈسٹری میں استحکام آئے گا، اور اس کے فوائد خریداروں تک پہنچ سکتے ہیں۔
پاکستان میں سپورٹیج کی قیمت پر اس محدود پیشکش کے بارے میں آپ کا کیا خیال ہے؟ کیا آپ سپورٹیج بک کرنے کا ارادہ رکھتے ہیں؟ براہ کرم کمنٹس سیکشن میں اپنے خیالات کا اظہار کریں۔