ایم جی پاکستان نے صارفین کو 3000 سے زیادہ گاڑیاں ڈیلیور کر دیں
ایم جی پاکستان کی جانب سے دعوی کیا گیا ہے کہ وہ اب تک اپنے کسٹمرز کو ایم جی HS اور ZS کے 3000 یونٹس ڈیلیور کر چکے ہیں۔ فیس بک کے آفیشل پیج پر پوسٹ کی گئی ایک ویڈیو میں کمپنی نے بتایا ہے کہ انھوں نے یوںٹس کی یہ تعداد وہ رواں سال مئی تک 3000 تک ڈیلیور کی۔ اس ویڈیو میں گاڑیاں وصول کرنے والے صارفین کی ویڈیوز بھی شامل کی گئیں ہیں۔
ویڈیو کی کیپشن میں ایم جی پاکستان نے لکھا ہے کہ ” MGفیملی زیادہ سے زیادہ پاکستانیوں کے ساتھ جدید نقل و حرکت کا مفہوم بدلنے کے علاوہ بڑی اور مضبوط تر ہوتی جارہی ہے”۔ اس کے علاوہ کمپنی نے پاکستانیوں کی محبت ، اعتماد اور صبر کے لئے ان کا شکریہ بھی ادا کیا۔
1100 MG HS کے یونٹس پاکستان پہنچ گئے
رواں سال 31 مئی کو ہم نے آپ کو بتایا تھا کہ ایم جی کمپیکٹ کراس اوور ایس یو وی کے 1100 یونٹس درآمد کر چکی ہے۔ پاک وہیلز سے بات کرتے ہوئے ایم جی پاکستان کے آفیشل کا کہنا تھا کہ کلئیرنس کیلئے 7 سے 10 دن درکار ہوں گے جس کے بعد پاکستان کے مختلف شہروں میں ڈیلیوری کا آغاز کیا جائے گا اور ایسا لگتا ہے کہ ڈیلیوری کا عمل کا آغاز اپنے آخری مراحل میں ہے۔ آفیشل کا مزید کہنا تھا کہ نئی قیمت صرف نئے ویرینٹ HS Exclusive کی نئی بکنگز پر لاگو ہوگی۔
MG HS کی قیمت میں اضافہ
آپ کو بتاتے چلیں کہ گزشتہ ہفتے کمپنی نے ایک نوٹیفیکیشن MG HS کے ذریعے گاڑی کی قیمت میں اضافے کا اعلان کیا۔ نوٹیفیکیشن کے مطابق HS کے CBU یوںٹس کی نئی قیمت 57،49،000 روپے ہوگی جبکہ پرانی قیمت 54،49،000 روپے تھی جس میں اب 3 لاکھ روپے کا اضافہ کیا گیا ہے۔ گاڑی کی بکنگ کروانے کیلئے کسی بھی صارف کو 20 لاکھ روپے ادا کرنا ہوں گے۔ کمپنی کا کہنا ہے کہ قیمت میں اضافہ صرف HS Exclusive خریدنے کی صورت میں لاگو ہوگا۔
مقامی طور پر تیاری شروع
گزشتہ ماہ ایم جی کے لوکل پارٹنراور JW SEZ گروپ کے ہیڈ جاوید آفریدی نے اپنی ایک ٹویٹ میں کہا تھا کہ الحمداللہ، مقامی سطح پرتیار کی گئی پہلی ایم جی ایچ ایس تیار کر لی گئی ہے۔ اس کے علاوہ انھوں نے اپنی ٹویٹ میں اس گاڑی کی دو تصاویر بھی شئیر کیں۔
یہ یقینی طور پر کمپنی کے لئے ایک بہت بڑا قدم ہے کہ اس نے CBU یونٹس بیچے۔ دوسری جانب کووڈ 19 کی وجہ سے عالمی سطح پر پیدا ہونے والی صورتحال کی وجہ سے گاڑیوں کی ڈلیوریز بھی تاخیر کا شکار ہو رہی ہے۔
کیا آپ نے ایم جی ایچ ایس بُک کروا لی ہے یا گاڑی کی ڈلیوری کیلئے خوش ہیں تو نیچے دئیے گئے کمنٹ سیکشن میں ہمیں ضرور آگاہ کیجئیے۔