الیکٹرک کار رِنکو آریا کی نئی کھیپ کراچی پہنچ گئی
پاکستان کی الیکٹرک وہیکل (EV) انڈسٹری کے لیے ایک نئی پیش رفت یہ ہے کہ نئیر موٹرز نے کراچی میں الیکٹرک کار رِنکو آریا کی نئی کھیپ کی آمد کا اعلان کیا۔ نئیر موٹرز نے اپنی ایک انسٹاگرام پوسٹ میں ہہ کہا ہے کہ ہم نے اپنا وعدہ پورا کر دکھایا۔ خیال رہے کہ کمپنی پہلے ہی اس کھیپ کے 20 یونٹس فروخت کر چکی ہے۔ اس وقت رنکو آریا کا صرف ایک ہی شوروم ہے جو کراچی میں ہے۔
قیمت اور بکنگ
گاڑی کو 24 لاکھ روپے کی قیمت میں لانچ کیا گیا تھا لیکن افراط زر اور خراب معاشی حالات کی وجہ سے رِنکو آریا کی نئی قیمت 39 لاکھ روپے ہے۔ گاڑی کی بکنگ کیلئے 19 لاکھ روپے ادا کرنا ہوں گے۔ یہ گاڑی 4 دلکش رنگوں میں فوری ڈیلیوری کے لیے محدود اسٹاک کے ساتھ دستیاب ہے۔
رنکو آریا کی ایک جھلک
رنکو آریا پاکستان کی ایک انٹری لیول ہیچ بیک الیکٹرک کار ہے جو نیئر موٹرز نے امریکہ سے درآمد کی ہے اور چین میں تیار کی گئی ہے۔ اس کا سائز سوزوکی ویگن آر کے برابر ہے۔
بیرونی
یورپین گاڑیوں جیسا کہ Fiat 500 سے مشابہت رکھنے والی اس کار رِنکو آریا میں بہت سے جدید فیچرز اور خصوصیات پائی جاتی ہیں۔ گاڑی میں 13 انچ کے الائے وہیل، انڈیکیٹرز کے ساتھ نان ریٹکریکٹیبل سائیڈ ویو مررز وغیرہ جیسے فیچرز دئیے گئے ہیں۔ سات مختلف رنگوں کے آپشنز اور 2 ٹون ویرینٹ رِنکو آریا کو مزید خوبصورت بناتے ہیں۔
انٹیرئیر
گاڑی میں 2 ٹون انٹیرئیر، ڈیجیٹل انفوٹینمنٹ ٹچ سکرین، اینڈرائید اور ایپل کار پلے، آرام دہ نشستیں، 4 وے مینوئل ایڈجسٹ ایبلٹی، مناسب لیگ روم ڈرائیور اور مسافروں دونوں کے لیے خوشگوار سفر کو یقینی بناتے ہیں۔ حفاظتی خصوصیات جیسے اے بی ایس، سیٹ بیلٹ اور ISOFIX چائلڈ سیٹ اینکرز سفر کے دوران ذہنی سکون فراہم کرتے ہیں۔
ڈرائیونگ کا تجربہ اور کارکردگی
گاڑی میں 2 ڈرائیونگ موڈز (ایکو، سپورٹس) دئیے گئے ہیں۔ ایکو موڈ گاڑی کی پرفارمنس کو بڑھاتا ہے۔ اس موڈ میں کار کی رفتار کو 60 کلومیٹر فی گھنٹہ تک محدود رہتی ہے جبکہ سپورٹس موڈ میں کار 100 کلومیٹر فی گھنٹہ کی رفتار تک پہنچ سکتی ہے۔ کار صرف 9-10 سیکنڈ میں 0 سے 100 تک کی رفتار تک پہنچنے کی صلاحیت رکھتی ہے۔
بیٹری
بیٹری کی اوسط زندگی کے 7 سے 8 سال ہے جبکہ کمپنی بیٹری پر 3 سال کی وارنٹی دیتی ہے۔
کار کے ریوئیو کی مکمل ویڈیو یہاں دیکھیں:
