31 دسمبر کے بعد ایم ٹیگ کے بغیر گاڑٰیوں کا موٹروے پر داخلہ ممنوع
نیشنل ہائی وے اتھارٹی نے ایم ٹیگ کے بغیر موٹر ویز پر چلنے والی گاڑیوں کے حوالے سے نیا نوٹس جاری کر دیا ہے۔ نوٹس میں نیشنل ہائی ویز اینڈ موٹروے پولیس نے موٹر وے سے سفر کرنے والی تمام گاڑیوں کے لیے ایم ٹیگ لازمی قرار دے دیا ہے۔
موٹروے پر سفر کیلئے ایم ٹیگ ضروری
نیشنل ہائی ویز اینڈ موٹروے پولیس (NHMP) کی جانب سے ایک حالیہ اعلان میں کہا گیا ہے کہ موٹر ویز پر سفر کرنے کے لیے اب ایم ٹیگ کی ضروری ہے۔
نیشنل ہائے ویز اینڈ موٹروے پولیس نے موٹر ویز پر تمام گاڑیوں کے لیے ٹیگ کو لازمی قرار دیا ہے۔ 31 دسمبر 2023 کے بعد بغیر ٹیگ کے گاڑی چلانے پر جرمانہ عائد کیا جائے گا۔ اس اقدام کا مقصد ٹول پلازوں پر مستقل لائنوں کو آسان بنانا، ٹریفک کی بھیڑ کو کم کرنا اور فضائی آلودگی کو کم کرنا ہے۔
اپنا ایم ٹیگ کیسے حاصل کریں؟
ایم ٹیگ حاصل کرنا ایک سیدھا سادہ اور آسان عمل ہے۔ موٹروے پر کسی بھی ٹول پلازہ بوتھ پر جا کر ایم ٹیگ جاری کرنے والے بوتھ پر جائیں۔ اپنا شناختی کارڈ، ڈرائیونگ لائسنس، اور گاڑی کی رجسٹریشن بک ساتھ رکھنا یاد رکھیں۔ ان دستاویزات کے بغیر، آپ کو ایم ٹیگ نہیں ملے گا۔ اچھی بات یہ ہے کہ آپ کو اس کیلئے کوئی اضافی قیمت ادا نہیں کرنی پڑے گی۔
ایم ٹیگ کو کہاں چسپاں کرنا ہے؟
ایک بار جب آپ کے پاس اپنا M-Tag آ جائے، تو اسے اپنی کار کی ونڈ سکرین کے اوپری کونے میں، خاص طور پر اوپر دائیں جانب چسپاں کریں۔
ایم ٹیگ کے سٹیٹس کے بارے میں کہیسے جانیں؟
اگر اپنے M-Tag کے سٹیٹس کے بارے میں جاننا چاہتے ہیں تو اس کے لیے 9909 پر “MTAG <Space> CNIC نمبر” کے ساتھ ایک SMS بھیجیں۔
اپنے ایم ٹیگ کو چارج رکھنے کے لیے، آپ کے پاس کئی آپشنز ہیں۔
- سکریچ کارڈ
- ایزیہ پیسہ
- جاز کیش
- U-Paisa
- ایم 2 کسٹمر کیئر سنٹر
اپنے ایم ٹیگ کو بغیر کسی پریشانی کے حاصل کریں اور آسانی سے موٹر ویز پر سفر کیلئے جائیں۔ جس کے بعد ٹول کی لمبی قطاروں میں مزید انتظار کرنے کی ضرورت نہیں رہے گی۔