ORA 3 EV کی قیمت اور بکنگ سے متعلق تفصیلات
سازگار انجینئرنگ نے مقامی مارکیٹ میں اپنی پہلی الیکٹرک گاڑی ORA 03 متعارف کروا دی ہے۔ یہ ایک ہیچ بیک کار ہے کا ڈیزائن جدید ہے جبکہ گاڑی کا انٹیرئیر کافی آرام دہ ہے جس میں الیکٹرک پاور کا بڑا کردار شامل ہے۔ ہم نے ذیل میں آپ کے ساتھ کار کی خصوصی تصاویر، فیچرز اور خصوصیات شئیر کر دی ہیں۔
نمایاں فیچرز اور خصوصیات
مقامی مارکیٹ میں لانچ کی گئی اس الیکٹرک کار کے نمایاں فیچرز کی بات کی جائے تو اس میں kWh47.78 بیٹری, 310-400 کلومیٹر فی چارج رینج، 219 نیوٹن میٹر ٹارک، kW105 پاور اور 160 کلومیٹر فی گھنٹہ ٹاپ سپیڈ شامل ہے۔
ایکسٹیرئیر کی بات کریں تو یہاں کار میں LED الیکٹرک ایڈجسٹمنٹ ہیڈ لیمپس، الیکٹرک فولڈ + الیکٹرک ایڈجسٹمنٹ اور سائیڈ لائٹر ریپیٹر سائڈ ویو مررز، ریئر فوگ لیمپ، ڈے ٹائم رننگ لائٹس، پینورامک سن روف اور 215/50 R18 الائے وہیل جیسے فیچرز نطر آتے ہیں۔ دریں اثنا، انٹیرئیر میں 2 ڈائریکشن مینوئل ایڈجسٹ مائیکرو فائبر لیدر سٹیئرنگ وہیل، ریڈ اینڈ بیج انٹیرئیر، ڈرائیور سائیڈ کی لیس انٹری، الیکٹرک + 6 ڈائریکشن ڈرائیور سیٹ، مینوئل + 4 ڈائریکشن فرنٹ پیسنجر سیٹ، 7 انچ انسٹرومینٹل کلسٹر وغیرہ شامل ہیں۔
قیمت
گاڑی کی قیمت کی بات کریں تو یہاں سب سے اہم پہلو اس کی قیمت ہی ہے جو اس کی کامیابی یا ناکامی میں اہم کرادار ادا کر سکتا ہے۔ سازگار نے ORA 03 کی قیمت 8999999 روپے مقرر کی ہے۔
بکنگ اور ڈیلیوری
کمپنی کے مطابق، گاڑی کی بکنگ اگلے چند دنوں میں کھل جائے گی جس کی بکنگ قیمت 30 سے 50 لاکھ روپے کے درمیان ہے جبکہ ڈلیوری ٹائم تقریباً 3-4 ماہ ہوگا۔ لہذا، اگر آپ نیا ORA 03 حاصل کرنے کا ارادہ کر رہے ہیں، تو اپنی قریبی Sazgar ڈیلرشپ پر جائیں اور اس EV کے بارے میں تازہ ترین اپ ڈیٹس حاصل کریں۔
نئی ORA 03 EV کی قیمت کے بارے میں آپ کا کیا خیال ہے؟ کیا آپ اس قیمت کے ساتھ گاڑی بُک کریں گے؟ کمنٹس سیکشن میں ہمیں بتائیں۔