پاک سوزوکی نے ویگن آر پر ایک اور آفر لگا دی
پاکستان میں جاری بدترین معاشی بدحالی کی بدولت گزشتہ چند سالوں سے مقامی کار انڈسٹری تباہی کا شکار ہے۔ نتیجے کے طور پر، کار کمپنی سیلز میں کمی کو مستحکم کرنے کے لیے سخت جدوجہد کر رہے ہیں۔ کار کمپنیز ایک کے بعد ایک نئی دلکش آفرز سامنے لا رہے ہیں تاکہ صارفین ان کی طرف متوجہ ہوں۔
ایک حالیہ سوشل میڈیا پوسٹ میں پاکستان سوزوکی موٹر کمپنی (PSMC) نے 100000 روپے کے ایک دلچسپ ‘پرچیز بونس’ کا اعلان کیا ہے۔ یہ آفر ان لوگوں کے لیے جو ایک قابل اعتماد سواری کی تلاش میں ہیں۔ٓ
پاک سوزوکی نے یہ آفر اپنی مشہور کار ویگن آر کیلئے پیش کی ہے جو کہ اپنے کشادہ انٹیرئیر اور ورسٹائل ڈیزائن کے علاوہ مسافروں اور کارگو دونوں کے لیے کافی جگہ فراہم کرتی ہے اور ہر سفر کو آرام دہ بناتا ہے۔
کمپنی کی جانب سے شئیر کی گئی پوسٹ میں کہا گیا ہے کہ:
“ایک وسیع و عریض انٹیرئیر کا تجربہ حاصل کرنے کے لیے ایک نئی ویگن آر خریدیں اور 100000 روپے کے پرچیز بونس سے لطف اندوز ہوں۔”
بائیکس کے لیے پاک سوزوکی کی پیشکش
دیگر بائیک مینوفیکچررز کی طرح پاک سوزوکی نے بھی اپنی بائکس کے لیے مختلف پیشکشوں کا اعلان کیا ہے۔ کچھ دن پہلے، کمپنی نے ایک دلچسپ پروموشن سامنے لائی، جس میں موٹر سائیکل کے شوقین افراد کے لیے اپنے خوابوں کو پورا کرنے کا ایک موقع دیا گیا ہے۔
یہ آفر محدود مدت کیلئے ہے جو ایک ایسا موقع پیش کرتی ہے کہ جس کے ذریعے PayPro استعمال کرتے ہوئے ادائیگی کرنے کا انتخاب کر سکتے ہیں اور ایسا کرنے والوں کے لیے خصوصی طور پر رعایت دستیاب ہے۔
صارفین 24 ماہ کی قسط کے پلان کے ساتھ ساتھ 25 فیصد ڈاؤن پیمنٹ اور 0 فیصد مارک اپ سے لطف اندوز ہو سکتے ہیں۔ لہذا، یہ ایک ایسی آفر ہے جو سوزوکی موٹرسائیکل خریدنے کے عمل کو پہلے سے زیادہ ہموار اور سستا بنانے کا وعدہ کرتی ہے۔
پاک سوزوکی کی تازہ ترین پیشکش کے بارے میں آپ کا کیا خیال ہے؟ کمنٹس سیکشن میں ہمیں بتائیں۔