پاک سوزوکی نے اپنی تمام گاڑیوں پر دو آفرز لگا دیں
جب پاکستان کی آٹو انڈسٹری بگڑتی ہوئی معیشت اور درآمدی پابندیوں کے باعث خستہ حالی کا شکار ہے تو اس صورتحال میں گاڑیوں کے شعبے میں استحکام کی کوئی امید نظر نہیں آ رہی۔ جس کے نتیجے میں کار کمپنیز اپنے مشہور مقبول ماڈلز پر مختلف آفرز دے کر فروخت اور منافع کے حجم کو برقرار رکھنے کی بھرپور کوشش کر رہے ہیں۔ بدقسمتی سے، کار کمپنیاں طویل عرصے سے اسی چیز پر عمل پیرا ہیں۔
اس بار پاکستان سوزوکی موٹر کمپنی (PSMC) کی جانب سے پیشکش آئی ہے۔ ایک حالیہ سوشل میڈیا پوسٹ میں، پاک سوزوکی نے ایک دوہری پیشکش کا اعلان کیا جس کے تحت صارفین پاکستان ک مشہور کاروں جیسا کہ سوزوکی آلٹو، ویگن آر اور سوزوکی سوئفٹ پر ’پرائس لاک‘ اور فوری ڈیلیوری سے فائدہ اٹھا سکتے ہیں۔
ایسی دنیا میں جہاں معاشی بے یقینی اور مہنگائی معمول بن چکی ہے پیسہ بچانا ایک مشکل عمل ہے۔ لہذا، اِن حالات میں پاک سوزوکی کی طرف سے ‘پرائس لاک’ ایک اچھی خبر ہے۔
پرائس لاک
یہ اقدام صارفین کو اپنی منتخب سوزوکی گاڑی کی قیمت کو لاک کرنے کی اجازت دیتا ہے اور انہیں مستقبل میں قیمتوں میں اضافے سے بچاتا ہے۔ یہ کمپنی کی جانب سے اس بات کو یقینی بنانے کا عزم ہے کہ مارکیٹ میں اتار چڑھاؤ سے قطع نظر، آپ کی ڈریم کار آپ کے بجٹ کے اندر رہے گی۔
فوری ڈیلیوری
اس دلچسپ پیشکش کا دوسرا حصہ ‘فوری ڈیلیوری’ ہے۔ ایک ایسی مارکیٹ میں جہاں گاڑیوں کی ڈیلیوری کے انتظار کا وقت وسیع ہو سکتا ہے، ایسی صورت میں پاک سوزوکی کسٹمر کے وقت کی قدر کو تسلیم کرتا ہے۔ لہذا فوری ڈیلیوری کے ساتھ، صارفین سٹینڈرڈ ڈلیوری شیڈول سے پہلے اپنی نئی سوزوکی کار حاصل کرنے کی سہولت سے لطف اندوز ہو سکتے ہیں