پاکستان آٹو شو 2020ء میں پاک سوزوکی کی دلچسپ ڈرٹ بائیک کی نمائش
پاکستان انٹرنیشنل آٹو شو 2020ء میں ہیونڈائی نشاط اور سازگار-BAIC کی گاڑیاں تو اب تک خبروں میں ہیں ہی، لیکن ساتھ ساتھ پاک سوزوکی بھی اپنی مصنوعات کی نمائش کر رہا ہے۔ یہ ایونٹ لاہور انٹرنیشنل ایکسپو سینٹر میں ہو رہا ہے اور اب تک ہزاروں افراد اس نمائش کو دیکھ چکے ہیں۔ آئیے جلدی سے دیکھیں کہ اس میگا ایونٹ میں پاک سوزوکی کیا کچھ پیش کر رہا ہے۔
سوزوکی DR-Z 125L:
دلچسپ بات یہ ہے کہ پاک سوزوکی ایونٹ میں اپنے ساتھ DR-Z سیریز کی ایک ڈرٹ بائیک بھی لایا ہے۔ یہ 4-اسٹروک سنگل سلنڈر SOHC 125cc انجن سے لیس ہے جو 5-اسپیڈ کونسنٹ میش ٹرانسمیشن رکھتا ہے۔ DR-Z 125L ایک اسٹائلش آف-روڈ پیکیج ہے جو اپنی RM-Z لائن اَپ سے ہموار ڈیزائن پاتی ہے۔ یہ اگلے حصے میں ایک ٹیلی اسکوپک کوائل اسپرنگ سسپنشن اور پچھلے پہیوں میں لنک-ٹائپ کوائل اسپرنگ رکھتی ہے۔ اس کے ساتھ ساتھ DR-Z 125L کے اگلے پہیوں میں ڈسک بریکس فراہم کیے گئے ہیں۔
سوزوکی Gixxer SF:
سوزوکی Gixxer SF کمپنی کی موٹر GP ایڈیشن موٹر سائیکل ہے جو انتہائی ہلکے اور زبردست 4-اسٹرک، سنگل سلنڈر، ایئر-کُولڈ OHC 155cc انجن سے لیس ہے جو فیول انجکشن سسٹم کے ساتھ 5-اسپیڈ ٹرانسمیشن رکھتا ہے۔ یہ 8000 rpm پر 10.4 Kw اور 6000 rpm پر 14 Nm ٹارک کی طاقت فراہم کرتا ہے۔ موٹر سائیکل الیکٹرک اسٹارٹر سسٹم کے ساتھ ایک اسمارٹ ڈجیٹل میٹر رکھتی ہے۔ یہ مینٹی نینس سے پاک 12 V, 3 Ah بیٹری اور اگلے اور پچھلے حصوں میں ڈسک بریکس کے ساتھ آتی ہے۔ PAPS 2020 میں نمائش کے لیے رکھا گیا یونٹ نیلے رنگ میں اسپیشل موٹو GP ایڈیشن ہے۔
سوزوکی جمنی:
پاک سوزوکی چوتھی جنریشن کی سوزوکی جمنی کی صورت میں اِس ایونٹ میں کشش کا ایک اور سامان لایا ہے کہ جسے خاص طور پر بنائے گئے آف روڈ فرش پر رکھا گیا ہے۔ آٹو مینوفیکچرر نے چوتھی جنریشن کی جمنی پچھلے سال پاکستان میں متعارف کروائی تھی جو زبردست 4-سلنڈر 16-والو 1.5L K15B پٹرول انجن سے لیس ہے جو 5-اسپیڈ مینوئل یا 4-اسپیڈ آٹومیٹک پارٹ ٹائم 4WD (آل گرِپ پرو) ٹرانسمیشن رکھتا ہے۔یہ طاقتور انجن 6000 rpm پر 75 kWکی طاقت اور 4000 rpm پر 130 Nm کا ٹارک پیدا کرتا ہے۔ یہ گاڑی اپنی رفتار اور مضبوط لَیڈر فریم کی وجہ سے مقبول ہے۔ PAPS 2020 میں نمائش کے لیے پیش کی گئی سوزوکی جمنی کی تصاویر یہاں دیکھیں:
اس ادارے کے ڈسپلے آؤٹ لیٹ پر ہاتھوں ہاتھ فروخت ہونے والی 660cc آلٹو بھی موجود ہے۔ موجودہ مالی سال میں گاڑیوں کی فروخت میں آنے والے زوال کے دوران سوزوکی آلٹو کمپنی کی فروخت کا اہم محرّک رہی۔ یہ پچھلے سال جون میں مشہورِ زمانہ مہران کے متبادل کے طور پر مقامی مارکیٹ میں متعارف کروائی گئی تھی۔ سوزوکی آلٹو کی رونمائی پہلی بار پچھلے سال PAPS میں کی گئی تھی جہاں یہ آنے والوں کی توجہ کا مرکز تھی۔ دوسری جانب سوزوکی کلٹس بھی پاکستان انٹرنیشنل آٹو شو 2020ء میں نمائش کے لیے رکھی گئی ہے۔
