پاک سوزوکی کی صارفین کے لیے ‘اسپیشل فائنانسنگ ڈیل’
پاک سوزوکی ویگن آر VXL، ویگن آر AGS اور آلٹو AGS کے اپنے صارفین کے لیے ‘اسپیشل فائنانسنگ ڈیل’ پیش کر رہا ہے۔ ایک نوٹیفکیشن میں کمپنی نے کہا ہے کہ صارفین اس نئے پیکیج کے تحت 1,72,717 روپے تک بچا سکتے ہیں۔
نوٹیفکیشن کے مطابق صارفین 1-سال کی مفت maintenance، رجسٹریشن، مارک اپ اور انشورنس پر پیسے بچا سکتے ہیں۔ کمپنی کا کہنا ہے کہ “یہ آفر محدود مدت کے لیے ہے اور اس ڈیل پر تمام شرائط و ضوابط لاگو ہوں گے۔”
لوکل مینوفیکچرر کا مزید کہنا ہے کہ maintenance میں لیبر پلس SGP شامل ہوتی ہے، جبکہ رجسٹریشن سے ٹیکس نکال دیے جائیں گے اور جولائی 2020 سے Kebor +3 فیصد پر مبنی ہوگا۔
کمپنی آفرز:
کمپنی ان تینوں ماڈلز پر یہ ڈیلز پیش کررہی ہے:
| نئی آلٹو AGS | ویگن آر VXL | ویگن آر AGS | |
| 1-سال کی مفت maintenance | 24,609 روپے | 16,702 روپے | 16,702 روپے |
| رجسٹریشن پر بچت | 17,500 روپے | 18,500 روپے | 21,000 روپے |
| مارک اپ پر بچت | 57,420 روپے | 60,960 روپے | 67,920 روپے |
| انشورنس پر بچت | 56,729 روپے | 60,173 روپے | 67,095 روپے |
| کُل بچت | 1,56,258 روپے | 1,56,335 روپے | 1,72,717 روپے |
سوزوکی کی جانب سے قیمتوں میں حالیہ اضافے:
اس بات کا ذکر یہاں کرنا ضروری ہے کہ سوزوکی نے پچھلے ہفتے آلٹو کے بَیس ویرینٹ کی قیمت میں اضافہ کیا ہے۔ آلٹو VX کی قیمت میں 63,000 روپے کا اضافہ کیا گیا تھا۔ کمپنی 660cc گاڑی کی قیمت میں اضافے کا اعلان ملک بھر میں اپنے ڈیلرز کو بھیجے گئے ایک نوٹیفکیشن میں کیا۔
کمپنی کا کہنا ہے کہ نئی قیمتیں 7 جولائی 2020 سے لاگو ہوں گی۔ اس نمایاں اضافے کے ساتھ ہی آلٹو VX کی نئی قیمت 11,35,000 روپے سے بڑھ کر 11,98,00 روپے ہو گئی ہے۔
کمپنی نوٹیفکیشن:
اپنے نوٹیفکیشن میں کمپنی کا کہنا ہے کہ کسٹمرز جو پہلے ہی یہ کار فُل پیمنٹ کے ساتھ بُک کروا چکے ہیں ان سے اضافی قیمت نہیں لی جائے گی۔ یہ بھی کہا گیا ہے کہ ریٹیل قیمت میں شامل ہیں:
ایکس-فیکٹری قیمت
گاڑی کے ڈیلرشپ تک پہنچنے کے لیے لاگو فریٹ چارجز
کمپنی نے قیمت میں اس اضافے کی وجہ بیان نہیں کی۔ آلٹو کے دوسرے ماڈلز کی قیمتیں فی الحال وہی ہیں۔
آٹو انڈسٹری کے بارے میں مزید ریویوز، خبروں اور اپڈیٹس کے لیے پاک ویلز بلاگز پر آتے رہیں۔