پاک سوزوکی نے آلٹو کے سوا تمام گاڑیوں کی بکنگ کھول دی
کئی دن تک اپنی پروڈکش بند رکھنے کے بعد پاکستان سوزوکی موٹرز کمپنی چھوٹی یعنی ہیچ بیک گاڑیوں سے محبت کرنے والوں کے لیے خوشخبری لے کر آئی ہے۔ پاک سوزوکی نے اپنی سب سے زیادہ فروخت ہونے والی کار آلٹو کے علاوہ تمام گاڑیوں کی بکنگ دوبارہ شروع کر دی ہے۔
ایک حالیہ سوشل میڈیا پوسٹ میں کمپنی نے باضابطہ طور پر اعلان کیا ہے کہ اس نے سوئفٹ GL MT، کلٹس VXR، VXL، ویگن آر VXR، VXL اور بولان کی بکنگ کو دوبارہ کھول دیا ہے۔ اس سے قبل، کمپنی نے ہمیں مطلع کیا تھا کہ اس کا 16 جنوری سے ملک میں اسمبلی آپریشن دوبارہ شروع کرنے کا کوئی فوری منصوبہ نہیں ہے۔
پاک سوزوکی کی گزشتہ ماہ کی سیلز
پاک سوزوکی موٹرز کمپنی (PSMC) کی فروخت میں 8% کمی واقع ہوئی۔ کمپنی نے گزشتہ ماہ نومبر میں 12,387 یونٹس کے مقابلے 11,342 یونٹس فروخت کیے۔
پاکستان سوزوکی موٹر کمپنی نے آلٹو کے 6,898 یونٹس، سوزوکی کلٹس کے 1,057 یونٹس، سوزوکی ویگن آر کے 872 یونٹس، سوزوکی سوئفٹ کے 1,428 یونٹس، سوزوکی بولان کے 464 یونٹس اور سوزوکی راوی کے 623 یونٹس فروخت کیے۔
پاک سوزوکی کی ویب سائٹ سے امپورٹڈ گاڑیاں غائب
پاک سوزوکی، جو مقامی آٹوموبائل انڈسٹری کے بِگ 3 میں سے ایک ہے، جس نے خاموشی سے اپنی ویب سائٹ سے CBU لائن اپ کو ہٹا دیا ہے۔ اگر آپ کمپنی کی ویب سائٹ پر جائیں، پروڈکٹس پر جائیں اور آٹوموبائلز کا بٹن دبائیں، آپ کو صرف سوزوکی کی مقامی طور پر اسمبل کی گئی گاڑیاں نظر آئیں گی، جن میں آلٹو، سوئفٹ، بولان، ویگن آر اور کلٹس شامل ہیں۔
پاک سوزوکی سی بی یو کاروں میں سوزوکی وٹارا، جِمنی اور اے پی وی شامل ہیں اور ایسا لگتا ہے کہ سوزوکی سیاز اور میگا کیری کے بعد کمپنی نے ان درآمد شدہ گاڑیوں کو بھی ختم کرنے کا فیصلہ کیا ہے۔ اس کی ایک بڑی وجہ کم فروخت ہو سکتی ہے کیونکہ مقامی صنعت گزشتہ کئی مہینوں سے مشکل وقت سے گزر رہی ہے۔
پاک ویلز نے اس پیش رفت پر تبصرہ کرنے کے لیے پاک سوزوکی کے حکام سے رابطہ کیا۔ تاہم کار بنانے والی کمپنی نے اس مضمون کی اشاعت تک کوئی جواب نہیں بھیجا ہے۔ جب ہمیں ایک موصول ہو جائے گا تو ہم اس میں کمپنی کا نقطہ نظر شامل کریں گے۔