غلط پارک کرنے پر گاڑیوں کو کلمپ لگا کر بند کر دیا جائے گا
پارکنگ خلاف ورزیوں کے واقعات کو کم کرنے اور خلاف ورزی کرنے والوں کو خبردار کرنے کے لیے لاہور ٹریفک پولیس ایک منفرد سزا کے ساتھ سامنے آئی ہے۔ جس کے تحت غلط پارک کی گئی گاڑی کو کلمپ لگا کر بند کر دیا جاے گا۔
گاڑی سے کلمپ اتروانے کیلئے، خلاف ورزی کرنے والے کو 2000 روپے ادا کرنا ہوں گے۔ اس سے قبل لاہور ٹریفک پولیس نے ون وی کی خلاف ورزی کرنے والوں کے خلاف مقدمہ درج کرنے کا اعلان کیا تھا۔
ون وے کی خلاف ورزی کرنے والوں کو اب گرفتار کیا جائے گا
ون وے کی خلاف ورزیوں کی وجہ سے ہونے والی اموات اور حادثات کے بعد لاہور ٹریفک پولیس نے خلاف ورزی کرنے والوں کے خلاف فوجداری مقدمہ درج کرنے کا فیصلہ کیا ہے جس کے ساتھ ساتھ 2000 روپے کا چالان بھی کیا جائے گا۔ ٹریفک قوانین کی خلاف ورزی پر یہ سب سے سخت سزا ہے کیونکہ ایک حالیہ مہم میں ٹریفک پولیس نے ون وے کی خلاف ورزی کو ’’خودکشی کی کوشش‘‘ قرار دیا ہے۔
میڈیا سے گفتگو کرتے ہوئے چیف ٹریفک (سی ٹی او) لاہور ڈاکٹر اسد ملہی نے کہا کہ نئے قانون کا اطلاق جمعہ (2 دسمبر 2022) سے ہو گا۔ ہم اگلے دو دنوں تک آگاہی مہم چلائیں گے، تاکہ مسافر اس کے بارے میں سب کچھ جان سکیں۔ انھوں نے زور دیتے ہوئے کہا کہ جمعہ سے نئی سزا کا نفاذ ہو جائے گا۔
ون وے کی خلاف ورزی کرنے والوں کیخلاف مقدمہ
ان کا مزید کہنا تھا کہ ایف آئی آر پاکستان پینل سیکشن 279 کے تحت درج کی جائے گی، اور خلاف ورزی کرنے والے کو گرفتار کر کے جیل میں ڈال دیا جائے گا۔ سی ٹی او نے کہا کہ ٹریفک وارڈنز نے 2022 میں اب تک ون وے رول کی خلاف ورزی کے خلاف 225000 چالان جاری کیے ہیں۔ انھوں نے مزید کہا کہ اس کے باوجود یک ون وے کی ورزی ایک عام سی بات ہے۔
سی ٹی او نے کہا کہ ایسے لوگ نہ صرف اپنی جان کو خطرے میں ڈالتے ہیں بلکہ سڑک پر دوسروں کی زندگیوں کے لیے بھی خطرہ بن جاتے ہیں۔ انہوں نے عوام سے اپیل کی کہ وہ اس پریشانی کے خاتمے کے لیے اس مہم کا حصہ بنیں۔
سنگین صورتحال کے پیش نظر ٹریفک پولیس کے اعلیٰ حکام کا حالیہ اجلاس ہوا جس میں خلاف ورزی کرنے والوں کے خلاف شکنجہ مزید سخت کیا گیا۔
سٹی ٹریفک پولیس نے شہر میں ٹریفک کی خلاف ورزیوں پر قابو پانے کے لیے متعدد اقدامات شروع کیے ہیں۔ جرمانے اور چالان تقریباً دو گنا بڑھائے گئے ہیں، اور پولیس خلاف ورزیوں کو روکنے کے لیے سڑکوں کی مسلسل نگرانی کرتی ہے۔ مزید برآں، پولیس نے ڈرون کے ذریعے ٹریفک کی نگرانی شروع کر دی ہے تاکہ تمام بڑے راستوں پر روانی کو یقینی بنایا جا سکے۔ پولیس کو کافی یقین ہے کہ وہ اس مسئلے پر قابو پالے گی، خاص طور پر یک طرفہ خلاف ورزی پر۔