پاکستان میں پیٹرولیم کی فروخت تاریخ کم ترین سطح پر پہنچ گئی
ملک کی کار انڈسٹری واحد شعبہ نہیں ہے جو ملکی معاشی تباہ کاریوں کا سامنا کر رہی ہے۔ موجودہ معاشی تنزلی نے تیل کی صنعت کو بھی گھیر لیا ہے۔ جس کی وجہ سے پاکستان میں پیٹرولیم کی فروخت مسلسل کم ہو رہی ہے۔ پیٹرولیم کی سیلز سے متعلق رواں سال 2023 سال بدترین رہا ہے کیونکہ اس سے قبل کبھی بھی پیٹرولیم کی فروخت میں اس قدر کمی کا سامنا نہیں کرنا پڑا۔ اس سے پہلے مالی سال 2007 میں سیلز میں کافی کم ہو کر صرف 16.6 ملین ٹن رہ گئی تھی۔
رپورٹس کے مطابق، مالی سال 23 میں پیٹرولیم مصنوعات کی کل فروخت میں 26 فیصد کمی واقع ہوئی ہے۔ فرنس آئل کی فروخت میں سب سے زیادہ 49 فیصد کمی دیکھی گئی جبکہ ہائی سپیڈ ڈیزل اور پٹرول کی فروخت بالترتیب 28 فیصد اور 17 فیصد رہی۔
حالیہ اعداد و شمار سے یہ بات سامنے آئی ہے کہ جون 2023 میں پیٹرولیم کی فروخت (سال بہ سال) سال 2022 کی اسی مدت کے مقابلے میں 31 فیصد کم ہوئی۔
اسی طرح ماہ بہ ماہ فروخت کی بات کریں تو مئی کے مقابلے میں گزشتہ ماہ سیلز میں 4% کا اضافہ دیکھا گیا۔ یہ معمولی اضافہ گرمیوں میں ایندھن کی زیادہ کھپت لحاظ سے بھی ہوسکتا ہے۔ حیرت کی بات یہ ہے کہ قیمت میں اضافے کے بعد بھی ڈیزل کی سیلز میں کوئی تبدیلی نہیں آئی۔
آنے والے مہینوں میں تیل کی کھپت کا گراف بڑھ سکتا ہے لیکن آٹو سیکٹر پر درآمدی پابندیاں بشمول اعلی افراط زر کی شرح اور بڑھتی ہوئی قیمت بنیادی رکاوٹیں بنی رہ سکتی ہیں۔ کاروں کی فروخت کی بھی یہی صورتحال ہے جو کہ 59 فیصد کم ہوئی ہیں۔
گاڑیوں کی سیلز میں کمی
پاکستان آٹو موٹیو مینوفیکچررز ایسوسی ایشن (PAMA) کی رپورٹ کے مطابق، مالی سال 2022 میں 279267 گاڑیوں کے مقابلے میں مالی سال 23 میں کاروں کی فروخت (سال بہ سال) میں 59 فیصد کی زبردست کمی واقع ہوئی جس میں 126879 یونٹس فروخت ہوئے ہیں۔ دریں اثنا، ماہ بہ ماہ فروخت میں 10 فیصد کا اضافہ ہوا ہے۔ یعنی جون میں 6034 جبکہ مئی میں 5464 گاڑیاں فروخت ہوئیں۔
موٹرسائیکلوں کی فروخت میں گزشتہ ماہ 15 فیصد (ماہ بہ ماہ) کمی دیکھی گئی۔ مئی 2023 میں 96017 بائکس کے مقابلے جون میں 81692 یونٹس فروخت ہوئے۔ ہنڈا نے مئی میں 71998 یونٹس کے مقابلے میں گزشتہ ماہ 75056 بائکس فروخت کیں جبکہ سوزوکی نے مئی میں 820 کے مقابلے جون میں 363 بائکس فروخت کیں۔ اسی طرح یاماہا نے مئی میں 1114 کے مقابلے میں گزشتہ ماہ 942 بائیکس فروخت کیں۔