پیجو 2008 کی قیمت میں بھی اضافہ
جیسا کہ توقع تھی، پیجو پاکستان نے بھی اپنی گاڑی پیجو 2008 کی قیمت میں اضافہ کر دیا ہے۔ ایک سوشل میڈیا پوسٹ میں کمپنی نے کراس اوور ایس یو وی کے دو مختلف ویرینٹس کی نئی قیمتیں شیئر کیں ہیں۔ سیلز ٹیکس کی شرح 17% سے 18% تک اضافے کئے باعث قیمت میں اضافہ کیا گیا ہے۔
پیجو 2008 کی نئی قیمت
پیجو 2008 کے دونوں ویریںٹس کی نئی قیمتیں یہ ہیں:
- پیجو 2008 ایکٹیو کی نئی قیمت 5959000 روپے ہے جبکہ پرانی قیمت 5899000 تھی یعنی گاڑی کی قیمت میں 51000 روپے کا اضافہ کیا گیا ہے۔
- اسی طرح پیجو 2008 ایلور کی قیمت میں 57000 روپے اضافہ کیا گیا ہے جس کے بعد گاڑی کی قیمت 6599000 روپے سے بڑھا کر 6656000 روپے کر دی گئی ہے
کمپنی کی جانب سے ایک ماہ کے اندر قیمتوں میں یہ دوسرا اضافہ ہے۔ 31 جنوری کو آخری اضافے میں، کمپنی نے قیمتوں میں 499000 روپے کا اضافہ کیا۔ جیسا کہ پہلے ذکر کیا گیا ہے، قیمتوں میں اضافے کی یہ تازہ لہر اس وقت آئی ہے جب حکومت نے منی بجٹ کے تحت جی ایس ٹی میں 1 فیصد اضافہ کیا۔ حکومت نے قرض کی اگلی قسط حاصل کرنے کے لیے بین الاقوامی مالیاتی فنڈ (آئی ایم ایف) کی شرائط پوری کرنے کے لیے قدم اٹھایا۔
روپے کے مقابلے میں امریکی ڈالر کی شرح میں اضافے، درآمدات پر پابندی، فریٹ چارجز میں اضافے اور سٹیٹ بینک آف پاکستان (SBP) کی جانب سے ایل سی بند ہونے کی وجہ سے آٹو انڈسٹری گزشتہ چند سالوں سے بہت غیر مستحکم ہے۔ ایک تازہ ترین رپورٹ میں انکشاف کیا گیا ہے کہ آٹو انڈسٹری میں 250000 سے زائد افراد کی ملازمتیں ختم ہو چکی ہیں۔