ہںڈا نے CB 150F کا نیا رنگ متعارف کروا دیا

• Sulman Ali


• 12 Jun 2023

پاکستان کی بائک انڈسٹری میں نئے رنگوں کے اضافے کی لہر دیکھنے کو مل رہی ہے۔ سب سے پہلے یاماہا نے YB 125Z DX کیلئے نیا میٹالک گرے رنگ متعارف کروایا جس سے متعلق کچھ ابہام موجود جسے ہم نے یہاں تفصیل سے بیان کیا ہے۔ اس کے بعد کمپنی نے YBR 125G کا میٹ اورنج رنگ متعارف کروایا۔ جس کے بعد اب ہنڈا نے CB 150F کا نیا رنگ متعارف کروایا ہے۔

نیا رنگ

کمپنی کی جانب سے کی گئی سوشل میڈیا پوسٹس کے مطابق، بائک کیلئے نیلا رنگ متعارف کروایا گیا ہے جبکہ رِمز کا رنگ اورنج ہے جو کہ بائک کو ایک نئی لُک دیتا ہے۔

ڈیلرشپ پر موجود نئے رنگ والی اس بائک کی تصاویر یہ ہیں:

ہنڈا CB 150F کے فیچرز

• 4 سٹروک SOHC ائیر کولڈ 150 سی سی انجن
• 5 سپیڈ کونسٹینٹ میش ٹرانسمشن
• سیلف سٹارٹ/ کِک سٹارٹ
• لمبائی 2051 ملی میٹر، چوڑائی 760 ملی میٹر، اونچائی 1085 ملی میٹر
• 168 ملی میتر گراؤنڈ کلئیرنس
• 1311 ملی میٹر ویل بیس
• 124 کلو گرام وزن
• رولر چین فائنل ڈرائیو۔۔ وغیرہ

خیال رہے کہ کمپنی کی جانب سے ابھی یہ بتانا باقی ہے کہ آیا رنگ میں تبدیلی کے علاوہ بائک میں کوئی تکنیکی تبدیلی کی گئی ہے یا نہیں۔ ہم آپ کو اس نئے ویریئنٹ کی پہلی جھلک دینے کی کوشش کریں گے جس کے لیے آپ کو پاک ویلز کے یوٹیوب چینل پر نظر رکھنا ہوگی۔

ہنڈا CB 150F کے نئے رنگ کے بارے میں آپ کا کیا خیال ہے؟ کمنٹس سیکشن میں اپنے خیالات کا اظہار کریں۔