تصاویر – لیفٹ ہینڈ ڈرائیو مہران اب پاکستان میں بھی۔۔۔
آپ نے پاکستان میں مہنگی ترین امپورٹڈ لیفٹ ہینڈ ڈرائیو کاریں ضرور دیکھی ہوں گی، لیکن کیا آپ نے پاکستان میں لیفٹ ہینڈ مہران دیکھی ہے؟
مختصر تاریخ
“ماروتی سوزوکی 800” کے نام کی یہ کار ماروتی سوزوکی آلٹو کا یورپی ماڈل (1992) ہے جسے ایک ہندوستانی کمپنی “ماروتی سوزوکی” نے تیار کیا ہے۔ خیال رہے کہ یہ کمپنی بین الاقوامی کار کمپنی “سوزوکی” کی ایک ہندوستانی فرنچائز ہے، جس نے 1983 سے 2014 تک ہندوستان میں اس کار کو تیار کیا۔ 31 سالوں تک یہ کار ہندوستان میں دوسری ایسی کار ہے جسے لمبے عرصے تک بنایا گیا۔
سٹائل اور ڈیزائننگ
کار کا فرنٹ اور سائیڈ پروفائلز سے یہ “سوزوکی مہران” لگتی ہے لیکن گاڑی کا انٹیرئیر اور رئیر پروفائل ایک الگ کہانی بیان کرتے ہیں۔
ایکسٹیرئیر کی بات کریں تو گاڑی کی بلڈ کوالٹی سوزوکی مہران سے کہیں بہتر نظر آتا ہے۔ گاڑی کے فرنٹ، سائیڈ اور ریئر پروفائل ہیڈلائٹ، ریئر بمپر لائٹس، فرنٹ گرل، سائیڈ مررز، دروازے کے ہینڈلز اور اشاروں کو نمایاں کرتے ہیں، جنھیں دیکھ کر لگتا ہے کہ یہ بالکل سوزوکی مہران ہے لیکن پھر بھی، یہ Alto GLX ہے اور گاڑی کے پیچھے اس کا یہی نام لکھا نظر آتا ہے۔
ایکسٹیرئیر کے برعکس، گاڑی کے انٹیرئیر میں پائی جانے والی خصوصیات گاڑی کو زیادہ بناتی ہیں۔ لیفٹ ہینڈ ڈرائیو کے ساتھ ٹو سپوک سٹیئرنگ، 2 ٹون انٹیرئیر، اور لیدر فیبرک سیٹیں اس کے اندرونی حصے کی خوبصورتی میں مزید اضافہ کرتی ہیں۔
سب سے بڑھ کر یہ کہ 1992 ماڈل کی اس کار میں ایئر کنڈیشنر (AC) اور رئیر سیٹ بیلٹ بھی دی گئی ہے، اس گاڑی میں یہ فیچرز تب دئیے گئے جب پاک سوزوکی نے مہران میں یہ خصوصیات شامل کرنے کے بارے میں سوچا بھی نہیں تھا۔ جو چیز آپ کی حیرت میں اضافہ کر سکتی ہے وہ یہ ہے کہ مہران کے آخری ماڈل میں اب تک پچھلی سیٹ بیلٹ کی کمی ہے۔
گاڑی میں 800 F8B سی سی انجن (4-اسپیڈ) دیا گیا ہے جو Kmph 140 کی ٹاپ سپیڈ کے ساتھ 5500 rpm پر 37 BHP کی طاقت پیدا کرنے کی صلاحیت رکھتا ہے۔ واضح رہے کہ یہ کار برائے فروخت نہیں ہے۔
اس گاڑی کے بارے میں آپ کا کیا خیال ہے؟ کمنٹس سیکشن میں اپنی رائے کا اظہار کریں۔