پرنس DFSK نے بھی گاڑیوں کی قیمتوں میں کمی کر دی
روپے کی قدر میں بہتری آںے کے بعد کار کمپنیز نے یکے بعد دیگر گاڑیوں کی قیمتوں میں کمی کرنا شروع کر دی ہے۔ ٹویوٹا، سوزوکی، ہںڈا، چنگان اور یونائیٹڈ موٹرز کے بعد اب پرنس DFSK نے بھی اپنی گاڑیوں کی قیمتوں میں کمی کا اعلان کر دیا ہے۔
پرنس DFSK گاڑیوں کی نئی قیمتیں یہ ہیں۔
DFSK گلوری کی قیمتیں
- بیس ویرینٹ گلوری 580 5L CVT کی قیمت 495000 روپے کمی کی گئی ہے۔ جس کے بعد گاڑی کی قیمت 6105000 روپے سے کم ہو کر اب 5610000 روپے ہوگئی ہے۔
- گلوری 580 1.8L CVTکی قیمت 6256000 روپے سے کم ہو کر 5806000 روپے ہو گئی ہے۔ یعنی گاڑی کی قیمت میں 450000 روپے کمی کی گئی ہے۔
- ٹاپ آف دی لائن ویرینٹ گلوری 580 پرو کی قیمت میں 450000 روپے کمی کی گئی ہے جس کے بعد گاڑی کی قیمت 6550000 روپے سے کم ہو کر 6100000 روپے ہو گئی ہے۔
پرنس پرل کی قیمت
800 سی سی پرنس پرل ہیچ بیک کی قیمت میں 171000 روپے 200000 روپے کمی کی گئی ہے۔ جس کے بعد گاڑی کی قیمت 1920000 روپے سے کم ہو کر 1749000 روپے ہوگئی ہے۔
پرنس K07 کی قیمت
پرنس K07 منی وین کی قیمت میں کمی نہیں کی گئی۔ لہذا، گاڑی کی پرانی قیمت برقرار رہے گی۔
شرائط و ضوابط
- مندرجہ بالا قیمتیں زیادہ سے زیادہ تجویز کردہ خوردہ قیمت، ایکس فیکٹری فی یونٹ یا ٹیکس اور ڈیلر کمیشن شامل ہیں۔
- امریکی ڈالر کے مقابلے میں پاکستانی روپے کی میں تبدیلی، حکومتی محصولات، ٹیرف کا ڈھانچہ، مالیاتی پالیسیاں، درآمدی پالیسیاں وغیرہ کی وجہ سے قیمت پر اثر پڑے گا۔
- مندرجہ بالا قیمتیں عارضی ہیں اور پیشگی اطلاع کے بغیر تبدیل کی جاسکتی ہیں اور ڈیلیوری کے وقت موجودہ قیمت لاگو ہوگی۔
- سبجیکٹ سرکلر جاری ہونے سے پہلے پوری قیمتوں کے ساتھ بکنگ سابقہ قیمتوں پر کی جائے گی۔
- ڈیلر کمیشن وہی رہے گا۔