پروٹون پاکستان نے اپنی گاڑیوں کی قیمتوں میں کمی کر دی
پاکستانی روپے کی قدر میں بہتری کے بعد ہیونڈائی اور کِیا کے علاوہ تمام کمپنیز نے اپنی گاڑیوں کی قیمتوں میں کمی کر دی ہے۔ جس کے بعد اب پروٹون پاکستان نے بھی اپنی گاڑیوں کی قیمتوں میں کمی کا اعلان کر دیا ہے۔
کمپنی کی جانب سے جاری کردہ نوٹیفکیشن کے مطابق پرانی بکنگز والوں کو قیمتوں کی مد میں فائدہ پہنچایا گیا ہے۔
پروٹون X70 کی نئی قیمتیں
- پروٹون X70 FWD پریمیم کی قیمت میں 110000 روپے کی کمی گئی ہے جس کے بعد گاڑی کی قیمت 7300000 روپے سے کم ہو کر 7190000 روپے ہو چکی ہے۔ دوسری جانب پرانی بکنگز والے صارفین کو 6990000 روپے ادا کرنا ہوں گے جبکہ پرانی قیمت 7100000 روپے تھی۔
- اسی طرح پروٹون X70 AWD ایگزیکٹیو کی قیمت میں بھی 110000 روپے کی کمی گئی ہے جس کے بعد گاڑی کی قیمت 6850000 روپے سے کم ہو کر 6740000 روپے ہو چکی ہے۔ دوسری جانب پرانی بکنگز والے صارفین کو 6540000 روپے ادا کرنا ہوں گے جبکہ گاڑی پرانی قیمت 6650000 روپے تھی۔
پروٹون ساگا
کمپنی نے نئی بکنگ کے لیے پروٹون ساگا کی قیمت میں کوئی کمی نہیں کی، جبکہ پرانی بکنگ رکھنے والوں کیلئے قیمت میں 1 لاکھ روپے کی کمی کا اعلان کیا ہے۔ پرانی بکنگز وال صارفین کیلئے ساگا ویرینٹس کی نئی قیمتیں یہ ہیں۔
- پروٹون ساگا کی قیمت میں 100000 روپے کمی کی گئی ہے۔ جس کے بعد گاڑی کی قیمت 3149000 روپے سے کم ہو کر 3049000 روپے ہو گئی ہے۔
- اسی طرح ساگا AT سٹینڈرڈ کی نئی قیمت میں بھی 100000 روپے کمی کی گئی ہے جس کے بعد گاڑی کی نئی قیمت 2999000 روپے ہو چکی ہے جبکہ پرانی قیمت 2899000 روپے تھی
- ساگا MT کی نئی قیمت 2724000 روپے ہے جبکہ پرانی 2724000 روپے تھی، یعنی گاڑی کی قیمت میں 100000 روپے کمی کی گئی ہے۔
ساگا کی قیمت میں کمی نہ کرنے کی وجہ
کمپنی کی جانب سے جاری کیے گئے نوٹیفکیشن میں کہا گیا ہے کہ دیگر کار سازوں نے قیمتوں میں مجموعی طور پر اضافہ کیا جب کہ پروٹون کاروں کی قیمتوں میں 11 فیصد اضافہ کیا گیا، جو کہ پاکستانی روپے کی قدر میں 20 فیصد کمی سے بھی میل نہیں کھاتا۔ یعنی، کمپنی نے واضح کیا ہے کہ پروٹون ساگا کی قیمت اب بھی کم ہے اور یہی وجہ ہے کہ گاڑی کی قیمت میں کمی کی نہیں کی گئی ہے۔
پروٹون پاکستان کی طرف سے اعلان کردہ حالیہ قیمتوں میں کمی کے بارے میں آپ کا کیا خیال ہے؟ کمنٹس سیکشن میں اپنے خیالات کا اظہار کریں۔