حکومتِ پنجاب نے موٹر رجسٹریشن کو آسان بنا دیا
حکومتِ پنجاب نے موٹر رجسٹریشن کو آسان بنا دیا
حکومتِ پنجاب نے نئی کاروں اور موٹر سائیکلوں کے مالکان کو ایک اور زبردست سہولت فراہم کر دی ہے۔ نئی اسکیم ڈیلر وہیکل رجسٹریشن (DVRS) کے تحت صوبے نے مخصوص ڈیلرز اتھارٹی کو رجسٹریشن اور نمبر پلیٹ فوراً جاری کرنے کی اتھارٹی دے دی ہے۔ پنجاب ایکسائز اینڈ ٹیکسیشن ڈپارٹمنٹ کے مطابق یہ قدم “پنجاب میں ٹریفک اصلاحات” کے پروگرام کے تحت اٹھایا جا رہا ہے۔
پروگرام کے تحت نئے صارفین کو یہ سہولتیں ملیں گی:
- ایک ڈیلر کے ذریعے فوراً رجسٹریشن اور نئی لائسنس پلیٹ کا اجراء
- دفتری اوقات کے بعد بھی رجسٹریشن دستیاب
- آن لائن سسٹم کے ذریعے باقاعدہ ڈیٹا کلیکشن
- نہ قطار، نہ انتظار
- وقت کی بچت، بناء کسی جھنجٹ کے
ایکسائز اینڈ ٹیکسیشن ڈپارٹمنٹ کے مطابق اس نے ایسے ڈیلرز کو اپنا پارٹنر بنایا ہے کہ جو مارکیٹ میں اچھی ساکھ رکھتے ہیں۔ ڈپارٹمنٹ نے کہا کہ یہ ڈیلرز پنجاب موٹر وہیکل ٹرانزیکشن لائسنسیز ایکٹ 2015 کے تحت لائسنس دیں گے۔ ساتھ ساتھ یہ ڈیلرز حکومتِ پنجاب کے سینٹرلائزڈ موٹر ٹرانسپورٹ مینجمنٹ انفارمیشن سسٹم (MTMIS) تک رسائی بھی رکھیں گے۔
طریق کار:
اس نئے پروگرام کے تحت ڈیلرز کسٹمرز سے رجسٹریشن فیس اور ایک فکس convenience/سروس چارج وصول کریں گے، نئی گاڑی کو رجسٹریشن سسٹم کے ذریعے رجسٹر کریں گے اور اسی وقت لائسنس پلیٹ جاری کریں گے۔
ایکسائز اینڈ ٹیکسیشن ڈپارٹمنٹ نے کہا کہ ڈیلرز اس کے ذمہ دار ہوں گے:
- حکومت کو فیس کے واجبات ڈپازٹ کرنا
- موٹر رجسٹریشن کے حوالے سے ڈیٹا درج کرنا
- متعلقہ موٹر رجسٹریشن اتھارٹی (MRA) کو چالان کی ادائیگی کے بعد رجسٹریشن ڈاکیومنٹس ڈلیور کرنا
- پانچ سال تک ریکارڈ کو مینٹین رکھنا اور اسے آڈٹ کے لیے تیار رکھنا، ساتھ ہی قواعد کی خلاف ورزی نہ کرنا
- ڈیلرشپ پوائنٹ پر تمام ڈیلز کے رَیٹ ظاہر کرنا
رجسٹریشن فیس:
ڈپارٹمنٹ نے کہا کہ ڈیلر نیچے دیے گئے ریٹس سے بڑھ کچھ نہ لیں:
- موٹر سائیکل/رکشہ 500 روپے
- موٹر کار/ کمرشل گاڑیاں 2،000 روپے
ایکسائز اینڈ ٹیکسیشن ڈپارٹمنٹ نے اپنی ویب سائٹ پر مخصوص ڈیلرز کی فہرست جاری کر دی ہے۔
اس کا ذکر بھی کرتے چلیں کہ حکومت پنجاب نے صوبے میں ڈرائیوروں کے لیے پیپرلَیس ڈرائیونگ لائسنس سسٹم شروع کر دیا ہے۔ یہ سسٹم راولپنڈی پولیس نے پنجاب انفارمیشن ٹیکنالوجی (PITB) کے تعاون سے لانچ کیا ہے۔ حکومت مالی سال 2020-21 کے لیے نیا بجٹ پیش کرنے کے بعد یہ اقدامات اٹھا رہی ہے۔
آٹو انڈسٹری کے حوالے سے مزید خبروں، اپڈیٹس اور آرٹیکلز کے لیے PakWheels.com پر آتے رہیے۔
Recommended for You: Punjab Govt Offers Incentives On Motor Tax