شاہ رخ خان نے بھارت میں ہیونڈائی آئیونک 5 EV کی رونمائی کی
شاہ رخ خان گزشتہ 25 سالوں سے بھارت میں ہیونڈائی کے برانڈ ایمبیسیڈر ہیں اور کبھی کبھار کمپنی کی کار لانچ کے دوران دکھائی بھی دیتے ہیں۔ اس بار، ہیونڈائ نے سال کا آغاز انڈین آٹو ایکسپو 2023 سے کیا، جہاں شاہ رخ خان نے نئی ہیونڈائی آئیونک 5 EV کی رونمائی کی۔
حیران کن طور پر کار لانچنگ کی اس تقریب میں ماڈلز اور بورنگ تقریریں دیکھھنے کونہیں ملیں بلکہ گاڑی شاہ رخ خان نے اپنے سگنیچر پوز کے ساتھ گاڑی کی رونمائی کی اور اس طرح وہ گاڑی کے سامنے کھڑے دیکھے گئے۔ یہ پہلا موقع نہیں تھا جب شاہ رخ خان نے ہیونڈائی کی کسی کار کی رونمائی کی ہو۔ اس سے قبل وہ ماضی میں کئی بار ایسی تقاریب میں شرکت میں دیکھے گئے ہیں۔ ہیونڈائی کی بہت سی جدید کاروں کے باوجود، خان نے ایک بار کہا تھا کہ ان کا پسندیدہ اب بھی سینٹرو ہے!
ہیونڈائی آئیونک 5 EV
بھارت میں ہیونڈائی آئیونک 5 EV لاکھ کی تعارفی قیمت 44 لاکھ بھارتی روپے ہوگی۔ یہ گاڑی ایک ہی چارج پر 631 کلومیٹر تک کی رینج پیش کرتی ہے۔ صرف پہلے 500 صارفین ہی تعارفی قیمت کی پیشکش سے فائدہ اٹھا سکیں گے۔ کونا الیکٹرک کے بعد ہیونڈائی آئیونک 5 EV مکمل الیکٹرک پاور ٹرین فراہم کرنے والی دوسری کار ہوگی۔
نئی ہیونڈائی آئیونک 5 EV الیکٹرک گاڑی ایک اعلیٰ صلاحیت کی kWh72.6 بیٹری کے ساتھ ٹاپ آف دی لائن کنفیگریشن پیش کرے گی جو 216 ہارس پاور کی متاثر کن پاور اور Nm350 ٹارک کے ساتھ پیچھے نصب کی گئی الیکٹرک موٹر کو طاقت دیتی ہے۔ اضافی سہولت کے لیے گاڑی ایڈوانسڈ لیول 2 ایڈوانسڈ ڈرائیور اسسٹنس سسٹمز (ADAS) اور وہیکل ٹو لوڈ (V2L) چارجنگ فنکشن سے لیس ہے۔ گاڑی میں 20 انچ کے الائے وہیل، 12.3 انچ اسکرینز اور زیادہ سے زیادہ حفاظت کے لیے چھ ایئر بیگز ہیں۔
ہیونڈائی کی اس نئی کار کے بارے میں آپ کا کیا خیال ہے؟ کمنٹس سیکشن میں اپنی رائے کا اظہار کریں۔