اس بارے میں تصدیق کے لیے جب ہم نے ہیونڈائی نشاط سے رابطہ کیا تو کمپنی کے ایک اہلکار نے واضح طور پر کہا کہ “یہ ایک پرائیویٹ امپورٹ ہے، آفیشل یونٹ نہیں” اور “کمپنی کا 2025 میں نئی جنریشن کی لانچنگ کا فوری کوئی منصوبہ نہیں ہے۔”
ابھی حال ہی میں جب نئی اسپورٹیج لانچ کی گئی تو ہم نے دوبارہ ہیونڈائی نشاط سے رابطہ کیا، لیکن جواب اب بھی وہی تھا کہ “تاحال کوئی اپڈیٹ نہیں”۔ تاہم، اہلکار نے اس بات کی تصدیق ضرور کی کہ “نئی ٹوسان پاکستان میں ضرور لانچ کی جائے گی، مگر کوئی مخصوص ٹائم لائن نہیں دی جا سکتی۔”
مارکیٹ کے ماہرین کا مؤقف
کچھ ماہرین اور مارکیٹ ذرائع کا ماننا ہے کہ ہیونڈائی 2025 میں نئی ٹوسان متعارف کروائے گی، کیونکہ کمپنی اپنی مارکیٹ پوزیشن کو برقرار رکھنا چاہے گی اور اس کے لیے نیا ماڈل لانچ کرنا بہترین موقع ہوگا۔ اس کے علاوہ، یہ بھی قابل ذکر ہے کہ ہیونڈائی پہلے ہی نئی ایلانترا (ہائبرڈ ویریئنٹ) اور سوناٹا (N-Line ویریئنٹ) متعارف کروا چکی ہے۔
امید باقی ہے!
یہ تمام اشارے اس بات کی طرف اشارہ کرتے ہیں کہ نئی ہیونڈائی ٹوسان پاکستان میں ضرور آئے گی، لیکن کب؟ اس کا جواب ابھی تک واضح نہیں۔
آپ کے خیال میں کیا ہیونڈائی 2025 میں نئی ٹوسان لانچ کرے گی؟ اپنی رائے نیچے کمنٹس میں ضرور شیئر کریں۔