سوزوکی سوئفٹ کی آفیشل لانچ کی تاریخ کا اعلان

آخرکار انتظار ختم ہوا! پاک سوزوکی نے آخرکار نئی سوزوکی سوئفٹ کی باضابطہ لانچ کی تاریخ کا اعلان کر دیا ہے۔ رپورٹس کے مطابق نئی سوئفٹ 24 فروری 2022 یعنی اس ہفتے جمعرات کو لانچ کی جائے گی۔ مزید برآں، یہ تقریب لاہور میں ہوگی۔

دریں اثنا، ایک مختصر ویڈیو میں سوزوکی منی موٹرز نے گاڑی کے جلد لانچ کا اشارہ بھی دیا ہے۔

سوزوکی سوئفٹ کب دیکھی گئی؟

کل ہم نے مقامی طور پر تیار شدہ سوزوکی سوئفٹ کی تصاویر شیئر کیں جسے کار کیرئیر پر دیکھا گیا تھا۔ نیلے رنگ کی ہیچ بیک غالباً کمپنی کی ڈیلرشپ کو منتقلی کی جا رہی تھی جسے گاڑی کو بہاولپور بائی پاس پر دیکھا گیا۔ بالکل اسی طرح جیسے پہلے مقامی طور پر اسمبل شدہ سوئفٹ دیکھا گیا تھا۔ یہ یونٹ بھی ٹاپ آف دی لائن ویریئنٹ نہیں تھا۔ بہرحال، سوئفٹ کی لانچ پر گاڑی کے مداح کافی پرجوش نظر آتے ہیں۔

متوقع ویرینٹس

ہمیں لگتا ہے کہ پاکستان میں نئی سوئفٹ کے تین ویرینٹس لانچ کیے جائیں گے۔ جن میں بیس ویرینٹ سوئفٹ GL (مینوئل)، مِڈ ویریںٹ GL (آٹو) اور ٹاپ آف دی لائن ویرینٹ GLX (آٹو) شامل ہیں۔

ہم ٹاپ آف دی لائن ویرینٹ میں ہیلوجن پروجیکشن ہیڈلائٹس، ایل ای ڈی فوگ لیمپس اور الائے وہیل کی توقع کر رہے ہیں۔

متوقع انجن

ہمارے ذرائع کے مطابق پاکستان میں لانچ ہونے والی نئی سوئفٹ میں 1250 سی سی K12C ڈوئل جیٹ اِن لائن 4 انجن دیا جائے گا۔ اس کے علاوہ گاڑی میں 5 سپیڈ مینوئل یا سی وی ٹی ٹرانسمشن دی جائے گی۔

متوقع قیمت

سوزوکی نئی سوئفٹ کو 27 سے 28 لاکھ  روپے کی قیمت میں لانچ کیا جا سکتا ہے۔

بکنگ

رپورٹس کے مطابق پاک سوزوکی نئے ماڈل کی بکنگ جمعہ 25 فروری کو کھولے گی۔

خیال رہے کہ سوزوکی نے پرانی سوئفٹ کو ستمبر 2021 میں بند کر دیا تھا۔ کمپنی نے تقریباً ایک سال قبل اس کار کو بند کرنے کے اپنے منصوبے کا اعلان کیا تھا کیونکہ اس نے پاکستان میں کار کی نئی جنریشن لانچ کرنے کا اعلان کیا تھا۔

کیا آپ نئی سوزوکی سوئفٹ کے لانچ کے بارے میں پرجوش ہیں؟ نیچے دئیے گئے کمنٹ سیکشن میں اپنے خیالات کا اظہار کریں۔