طالبان ملا عمر کی زیر زمین چھپائی جانیوالی کار سامنے لے آئے
افغان طالبان ملا عمر کے زیر استعمال رہنے والی کار 20 سال بعد منظر عام پر لے آئے ہیں۔ خیال رہے کہ ملا عمر نے اپنی کار زیر زمین چھپا دی تھی۔ میڈیا رپورٹس کے مطابق میڈیا ملا عمر 2001 میں اسی گاڑی میں امریکی فورسز سے بچ کر قندھار سے صوبہ زابل فرار ہوئے تھے۔ بعد ازاں، گرفتاری سے بچنے کے لیے انھوں نے گاڑی کو زیر زمین دفن کرنے کا حکم دیا تھا۔
افغانستان سے امریکا کے انخلا کے بعد طالبان نے اس کار کو زمین کھود کر کر نکال لیا ہے۔ تصاویر میں کار کو پلاسٹک میں لپٹا ہوا دکھایا گیا ہے۔ کار اب بھی کافی اچھی حالت میں ہے جبکہ اس کی ونڈ سکرین ٹوٹی ہوئی ہے۔
طالبان اس کار کو افغان نیشنل میوزیم میں عوام کے لیے ڈسپلے کرنے کا منصوبہ بنا رہے ہیں۔ لیکن ہمارے لیے بنیادی سوال یہ ہے کہ یہ کون سی کار ہے؟ آئیے معلوم کریں۔
یہ کونسی گاڑی ہے؟
ہماری تحقیق اور ماہرین کے مطابق یہ ٹویوٹا کرولا ڈی ایکس ویگن ہے اور 1996 ماڈل کی کار ہے۔
انجن
اس کار میں 1800 سی سی DOHC 16-valves انجن دیا گیا ہے جو 105 ہارس پاور پیدا کرتا ہے۔ اس کے علاوہ گاڑی میں 5 سپیڈ مینوئل ٹرانسمیشن دی گئی ہے۔
سائز
یہ گاڑی 1425 ملی میٹر اونچی، 4370 ملی میٹر لمبی اور 1685 ملی میٹر چوڑی ہے۔ اس کے علاوہ گاڑی کی وہیل بیس 2456 ملی میٹر ہے۔
سیفٹی فیچرز
یہ DX ویگن ABS بریکس دی گئی ہیں۔ جس کے تحت ہے فرنٹ پر ڈسک بریک جبکہ پیچھے ڈرم بریک ہے اور چونکہ کار کافی پرانی ہے، اسی لیے اس میں کوئی ایئر بیگ نہیں ہے۔
ایکسٹیرئیر اور انٹیرئیر
کار کا ایکسٹیرئیر اور انٹیرئیر دونوں ہی بہت بنیادی ہیں۔ جہاں ہیلوجن ہیڈ لیمپس اور رئیر لیمپ نظر آتے ہیں۔ گاڑی میں ایک سادہ سٹیئرنگ اور سنگل ٹون انٹیرئیر دیکھنے کو ملتا ہے۔
ہمیں امید ہے کہ یہ معلومات آپ کے لیے کارآمد ثابت ہوں گی۔ اس کے علاوہ اس سے یہ بھی ظاہر ہوتا ہے کہ ٹویوٹا کاریں کتنی مضبوط ہیں۔ یعنی 20 سال بعد بھی گاڑی کافی اچھی حالت میں ہے۔