ٹویوٹا اور کِیا نے کیش بیک اور فوری ڈلیوری کی بڑی آفر لگا دی
گزشتہ سال، معاشی بدحالی نے ملکی آٹو انڈسٹری کو کافی نقصان پہنچایا۔ یکے بعد دیگرے پروڈکشن شٹ ڈاؤن، قیمتوں میں غیر مساوی اضافہ، سیلز اور انوینٹری میں کمی معمول تھا۔ کار ساز 2024 کے لیے پُرامید ہیں لیکن ملک میں بڑھتی سیاسی کشیدگی کے بعد پھیلتی ہوئی معاشی غیر یقینی صورتحال ایک بار پھر اس امید پر پانی پھیرنے لگی ہے۔
2024 کے آغاز کے ساتھ ہی، مقامی کار اسمبلرز نے انڈسٹری میں جاری بحران سے نمٹنے کیلئے دوبارہ اپنی کاروں پر آفرز دینا شروع کر دی ہیں۔ اپنی سوشل میڈیا پوسٹس میں ٹویوٹا انڈس موٹر اور کِیا لکی موٹرز مختلف آفرز کا اعلان کیا ہےجن یعنی فوری ڈیلیوری، کیش بیک، اور کم انشورنس ریٹس شامل ہیں۔
ٹویوٹا کی آفر
ٹویوٹا پاکستان نے خود کو بحران کے بدترین دور سے نکالنے اور پاکستان میں حال ہی میں لانچ ہونے والی نئی کرولا کراس ہائبرڈ الیکٹرک کو کامیاب بنانے کے لیے ایک خصوصی آفر کا اعلان کیا ہے۔
کمپنی کی جانب سے شئیر کی گئی پوسٹ میں کہا گیا ہے کہ ‘اپنی کرولا کراس ہائبرڈ الیکٹرک بُک کروائیں اور مسابقتی مارک اپ، کم ترین بیمہ کی شرح، اور منتخب بینکوں کے ذریعے اپنے آرڈر پر فوری ڈیلیوری حاصل کریں۔
ٹویوٹا پاکستان کی سیلز کو گزشتہ سال زبردست دھچکا لگا، جس میں 63 فیصد کی کمی واقع ہوئی۔ اس عرصے میں، کرولا اور یارِس کی فروخت میں 70 فیصد کی حیران کن کمی نے کمپنی کی سیلز کو شدید متاثر کیا جبکہ فارچیونر اور آئی ایم ویز کے ساتھ بھی یہی صورتحال رہی۔
کِیا کی پیشکش؟
کِیا لکی موٹرز نے بھی ٹویوٹا کی طرح ایک دلکش آفر متعارف کروائی ہے۔ ایک سادہ کیش بیک آفر سپورٹیج کے تمام ویرینٹس جبکہ پکانٹو کے AT ویرینٹ پر لگائی گئی ہے۔
سوشل میڈیا پوسٹس کے مطابق کمپنی نے پکانٹو کے ATویرینٹ پر 50000 روپے کی جبکہ سپورٹیج کے تمام ویرینٹس پر 150000 روپے آفر لگائی ہے۔ اس کے علاوہ کمپنی نے سورینٹو پر سود کے بغیر آسان آقساط جیسی آفر لگائی گئی ہے۔
کِیا اور ٹویوٹا کی آفرز کے بارے میں آپ کا کیا خیال ہے؟ کمنٹس سیکشن میں ہمیں بتائیں۔