ٹویوٹا لینڈ کروزر 2022 کی تصویریں لِیک ہو گئیں – متوقع تفصیلات اور خصوصیات
ٹویوٹا لینڈ کروزر 2022 کی تصویریں لِیک ہونے پر سوشل میڈیا میں بہت ہنگامہ مچا ہوا ہے۔ تصویروں میں نظر آنے والی گاڑی کو بیرونِ ملک ایک شپنگ یارڈ میں کھڑا دیکھا جا سکتا ہے۔ پہلی تصویر میں آپ اس گاڑی کا اگلا حصہ یعنی فرنٹ دیکھ سکتے ہیں جبکہ دوسری تصویر میں SUVs کو ٹرانسپورٹ کیا جا رہا ہے، جس میں ان کا پچھلا حصہ بھی نظر آ رہا ہے۔
متوقع انجن:
بڑی خبر،جو ابھی تک آفیشل نہیں ہے لیکن اس کی توقع ہے، یہ ہے کہ V8 پاور کا خاتمہ ہو جائے گا۔ ٹویوٹا اس وقت لینڈ کروزر میں موجود 4.6LV8 اور 5.7LV8 گیسولین انجنوں پر فاتحہ پڑھ لے گا۔
یہ انجن نیچرلی اسپائریٹڈ 3.5L V6 ہائبرڈ (ممکنہ طور پر 8GR-FXS) ہوں گے، بالکل فلیگ شپ لیکسس LS 500h ہائبرڈ سیڈان کی طرح۔ دوسرا ممکنہ انجن آپشن 3.5L ٹوئن-ٹربو V6 (V35A-FTS) ہو سکتا ہے بالکل ریگولر نان-ہائبرڈ ماڈل LS500 کی طرح۔ LS500h سیڈان میں پاور 354hp ہے جبکہ TT V6 تقریباً 416hp پیدا کرتا ہے۔
یہ گاڑی مخصوص مارکیٹوں میں ڈیزل فارمیٹ میں بھی دستیاب ہوگی۔ نیا انجن 3.3L V6 ہوگا۔ اس کے علاوہ ہائبرڈ ایک ECVT ہوگا جبکہ ٹربو ویرینٹ 10-اسپیڈ آٹومیٹک کے ساتھ آ سکتا ہے اور دونوں انجن ویرینٹس 4 ویلز کے لیے پاور کے ساتھ دستیاب ہوں گے۔
ایکسٹیریئر:
تصویر صرف ایکسٹیریئر ظاہر کرتی ہے، جس سے ظاہر ہوتا ہے کہ فلیگ شپ SUV کا اگلا حصہ ایک چوڑی اور rectangular یعنی مستطیل شکل کی فرنٹ گرِل رکھتا ہے۔ اس کے علاوہ اس میں مستطیل صورت کی ہیڈلائٹس اور مرکزی گرِل کے نچلے حصوں کے گرد وینٹ جیسا ٹرِم سیکشن ہے۔ شیلو C-پلر اور trapezoidal جیسے ویل آرچز کے ساتھ ڈبل بولڈ-ایجڈ بونٹ بھی ظاہر ہے۔
اس کے علاوہ آپ دیکھ سکتے ہیں کہ سائیڈ ویو مررز کھڑکیوں کے بجائے دروازوں پر لگے ہوئے ہیں، جس سے ممکنہ طور پر گاڑی کی ایرو ڈائنامکس بہتر ہوتی ہیں۔ ریئر میں ہائی-ماؤنٹڈ wrapped around ٹیل لائٹس ہیں اور سیدھا وَن پِیس فلیٹ ٹیل گیٹ۔ خبروں کے مطابق ویل سائز 17 انچ سے شروع ہوگا اور 20 انچ الائے رِمز تک جائے گا۔
متوقع انٹیریئر:
ایسی افواہیں ہیں کہ انجن کے ساتھ گاڑی کا انٹیریئر بھی تبدیل ہوگا۔ خبروں کے مطابق گاڑی میں 12 سے 13 انچ کا انفوٹینمنٹ سسٹم مع سیٹیلائٹ نیوی گیشن، ایک 7-انچ ڈجیٹل ڈسپلے مع انسٹرومنٹ کلسٹر، ساتھ ہی لیدر-ٹرِمڈ سرفیس اور میٹالک سوئچ گیئر ہوگا۔
سیفٹی فیچرز:
ہمارے ذرائع کے مطابق یہ SUV بھرپور سیفٹی فیچرز کی حامل ہوگی، جن میں ایڈاپٹِو کروز کنٹرول، ایمرجنسی بریکنگ، لَین کِیپ اسسٹ، لَین سینٹرنگ اسسٹ، آٹومیٹک ہائی بِیم اور ٹریفک سائن recognition شامل ہوں گے۔
انٹرنیشنل لانچ اور پاکستان میں آمد:
افواہیں ہیں کہ یہ ٹویوٹا اس گاڑی کو اگلے مہینے مارکیٹ میں لانچ کرے گا۔ جبکہ ہمیں لوکل لانچ کے لیے تقریباً ڈیڑھ سے دو سال انتظار کرنا پڑے کا۔ اس کا مطلب ہے کہ لوکل مارکیٹ 2022 کے اختتام یا 2023 کے آغاز سے پہلے اس گاڑی کو لانچ نہیں کرے گی۔