گزشتہ ماہ ٹویوٹا پاکستان کی سیلز میں اضافہ
آجکل لوکل آٹو انڈسٹری مشکل وقت سے گز رہی ہے اور کار کمپنیز اپنی سیلز کو بہتر کرنے کیلئے مسلسل جدو جہد کر رہے ہیں۔ دوسری جانب ٹویوٹا پاکستان کی سیلز ایک الگ کہانی بتاتی ہیں۔
جہاں ایک طرف لیٹر آف کریڈٰیٹس سے متعلقہ مسائل کی وجہ سے کار کمپنیز کی سیلز متاثر ہو رہی ہیں تو دوسری طرف ٹویوٹا پاکستان نے گزشتہ ماہ کسی بھی طرح کر کے اپنی پروڈکشن اور سیلز کو بہتر بنایا ہے۔
ٹویوٹا کی گزشہ ماہ کی سیلز
ٹویوٹا پاکستان کی گزشتہ ماہ کی سیلز یہ ہیں۔
- ٹویوٹا پاکستان نے ماہ جولائی میں یارس کے بیچے گئے 647 یونٹس کے مقابلے میں گزشتہ ماہ یارس کے 1306 یونٹس بیچے۔ یعنی، گزشتہ ماہ کار کی سیلز میں 102 فیصد اضافہ دیکھا گیا۔
- اسی طرح ٹویوٹا کرولا کے جولائی میں 1087 یونٹس جبکہ گزشتہ ماہ اگست میں 1595 یونٹس بیچے گئے۔ یعنی گاڑی کی سیلز میں 47 فیصد اضافہ ہوا
- ٹویوٹا فارچیونر کی سیلز ماہ جولائی میں بیچے گئے 347 یونٹس سے کم ہو کر گزشتہ ماہ 339 یوںٹس تک رہ گئی۔ یعنی گاڑی کی فروخت میں 2 فیصد کمی دیکھی گئی۔
- دوسری جانب ٹویوٹا ہائی لکس کی سیلز میں 116 فیصد اضافہ ہوا۔ یعنی گزشتہ ماہ، جولائی کے 294 یونٹس کے مقابلے میں 636 یونٹس فروخت ہوئے۔
کمپنی نے گزشتہ ماہ ٹوٹل 3876 یونٹس جبکہ ماہ جولائی میں 2375 یونٹس فروخت کیے۔ یعنی ٹوٹل سیلز میں 63 فیصد اضافہ کیا گیا۔
آئندہ ماہ سیلز میں کمی متوقع
برسراقتدار حکمرانوں کے معاشی فیصلوں کے نتیجے میں ملک میں مہنگائی عروج پر ہے۔ مزید برآں، درآمدی رکاوٹوں کی وجہ سے کار ساز پیداوار میں کمی اور ترسیل میں تاخیر کرنے پر مجبور ہیں۔
سٹیٹ بینک آف پاکستان (SBP) کی جانب سے قائم کی گئی نئی پالیسی کو مورد الزام ٹھہراتے ہوئے، ٹویوٹا اور سوزوکی ستمبر میں کئی بار پیداوار روکنے کے نوٹیفکیشن جاری کر چکے ہیں۔ ان تمام مسائل کی وجہ سے مستقبل قریب میں آٹو سیلز میں نئی کمی واقع ہو سکتی ہے۔
مقامی آٹو انڈسٹری کی موجودہ صورتحال کے بارے میں آپ کا کیا خیال ہے؟ کمنٹس سیکشن میں اپنے خیالات کا اظہار کریں۔