یونائیٹڈ بائکس کی قیمتیں 18000 روپے تک بڑھا دی گئیں

• Omar Faruq


• 16 Jan 2024

رواں سال کے آغاز کے ساتھ ہی قیمتوں میں اضافے کا سلسلہ ایک بار پھر شروع ہو گیا ہے۔ اس سے قبل گزشتہ سال کے اوائل میں بھی یہی امید کی جا رہی تھی کہ 2023 میں کار اندسٹری بہتری کی جانب گامزن ہو گی۔

یونائٹڈ آٹو انڈسٹری کی جانب سے بائکس کی قیمتوں میں 18000 روپے تک اضافہ کر دیا گیا ہے۔ کمپنی کی جانب سے جاری کیے گئے نوٹیفکیشن کے مطابق قیمتوں کا اطلاق 9 جنوری سے ہو چکا ہے۔

یونائیٹڈ بائیکس کی نئی قیمتیں

• یونائیٹڈ یو ایس 70 (سٹینڈرڈ) کی پرانی قیمت میں کوئی تبدیلی نہیں ہوئی۔ جبکہ یو ایس 70 (الائے رم) کی قیمت 5000 روپے اضافے کے بعد 114500 روپے تک پہنچ گئی ہے۔
• کمپنی نے US-100 (خصوصی) کی قیمت بھی برقرار رکھی ہے تاہم US-100 (سٹینڈرڈ) کی قیمت میں 10000 روپے کا اضافہ کیا گیا ہے۔ جس کے بعد بائک کی قیمت 107000 روپے سے بڑھ کر 117000 روپے ہو چکی ہے۔
• دریں اثنا، US-100(سٹینڈرڈ سپیشل) کی نئی قیمت 118000 روپے ہے۔ جبکہ پرانی قیمت 108000 روپے تھی۔ یعنی موٹر سائیکل کی قیمت میں 10000 روپے کا اضافہ ہوا ہے۔
• اسی طرح US-100 (سٹینڈرڈ الائے رم) کی نئی قیمت 109500 روپے سے بڑھ کر 127500 روپے تک پہنچ گئی ہے۔ یعنی بائک کی قیمت میں 18000 روپے کا اضافہ کیا گیا ہے۔
• یونائیٹڈ یو ایس کوٹی کی بات کریں تو اس کی قیمت میں بھی کوئی اضافہ نہیں دیکھا گیا۔ یعنی اب تک اس کی قیمت میں کوئی تبدیلی نہیں ہوئی۔
• اسی طرح، یونائیٹڈ US 125 کی قیمت میں بھی اضافہ نہیں کیا گیا۔

کمپنی نے اس اقدام کے پیچھے کی وجہ کا ذکر نہیں کیا ہے – اور یہ کوئی حیرت کی بات نہیں ہے کیونکہ یہ روایت برسوں سے دیکھی جارہی ہے۔

تجزیہ کاروں کا خیال ہے کہ آٹوموٹو انڈسٹری کو اس بحران سے نکلنے کے لیے کم از کم دو سے تین سال درکار ہوں گے۔ اس کا مطلب ہے کہ ہم مستقبل قریب کے لیے ان قیمتوں میں اضافے کو دیکھتے اور ان کا سامنا کرتے رہیں گے۔