یونائیٹڈ براوو کی قیمت میں 2,14,000 روپے کا اضافہ
یونائیٹڈ موٹرز پرائیوٹ لمیٹڈ نے براوو کی قیمت میں 2,14,000 روپے تک کا اضافہ کر دیا ہے۔ کمپنی کے پریس ریلیز کے مطابق 800cc ہیچ بیک کی نئی قیمت 11,99,000 روپے ہوگی۔ پرانی قیمت 9,85,000 روپے تھی۔
اپنے نوٹیفکیشن میں کمپنی کا کہنا ہے کہ خام مال کی قیمت میں اضافے، منفی ایکسچینج ریٹ، اس ریٹ کے منفی اثرات اور بڑھتی ہوئی لاگت نے انہیں یونائیٹڈ براوو کی قیمت میں تبدیلی پر مجبور کیا۔
نئی قیمت 20 جولائی 2020ء سے لاگو ہوگی۔
کمپنی کا مزید کہنا ہے کہ:
- نئی قیمت اس تاریخ پر یا اس کے بعد دیے جانے والے نئے آرڈرز پر لاگو ہے۔
- پچھلے آرڈر، جن کی مکمل ادائیگی 30 جون 2020 تک ہوگی، پرانی قیمت پر دیے جائیں گے۔
- 20 جولائی 2020 کو ڈیلرشپس پر موجود اسٹاک پرانی قیمت پر ہی ہوگا۔
- ڈلیوری کی جگہ کے لحاظ سے فریٹ اِس قیمت کے علاوہ ہوگا۔
- نئی قیمت میں ایڈوانس ٹیکس بھی شامل کیا جائے گا۔
کمپنی کا کہنا ہے کہ وہ ہمیشہ اچھی معیار کی پروڈکٹ مناسب قیمت پر فراہم کرنے پر یقین رکھتی ہے۔
یونائیٹڈ براوو:
اس ہیچ بیک کی لانچ کے بعد کمپنی کو vibration اور اسپیئر ٹائر نہ ہونے کے علاوہ کار کے حوالے سے کئی شکایات موصول ہوئیں۔ ان شکایات کو سامنے رکھتے ہوئے یونائیٹڈ موٹرز نے پچھلے سال اس 800cc کار کے فیچرز اور رنگ اپگریڈ کیے۔
نیا ماڈل چھ رنگوں میں آیا جن میں میرون میٹالک، بیج میٹالک، گرے میٹالک، سلوَر میٹالک اور وائٹ شامل ہیں۔ اس کے علاوہ کمپنی نے نئے ڈور ہینڈلز، گاڑی کے رنگ کے ہی سائیڈ ویو مررز اور نئے سیٹ فیبرک بھی دیے۔
کمپنی نے کئی لوکل وینڈرز کے ساتھ کام شروع کرکے یہ improvements پیش کیں۔ ان لوکل وینڈرز نے سستے ریٹ پر پارٹس فراہم کیے اور بروقت بھی۔ یونائیٹڈ کو پورے مینوفیکچرنگ اور اسمبلنگ کے پروسس کو لوکلائز کرنے سے بھی کافی بچت ملی۔
آٹو موبائل انڈسٹری کے بارے میں مزید خبروں، ریویوز اور اپڈیٹس کے لیے پاک ویلز بلاگز پر آتے رہیے۔
براوو کا پہلا لُک یہاں دیکھیں:
