یونائیٹڈ نے سستی ترین 150 سی سی بائک لانچ کر دی
پاکستان کی مشہور بائک کمپنی یونائیٹڈ نے سستی 150 سی سی بائک کی رونمائی کر دی ہے۔ کمپنی کی جانب سے بائک کی قیمت 270000 روپے رکھی گئی ہے جو کہ مارکیٹ میں موجود دیگر 150 سی سی بائکس کی نسبت سستی ہے۔ یہ بائک کم بجٹ والے صارفین کی توجہ اپنی جانب مبذول کروا سکتی ہے۔
یو ایس 150 کی رونمائی لاہور میں منعقدہ ایک آٹو ایکسپو کے دوران کی گئی، جہاں اسے یونائیٹڈ آٹوز کے تیار کردہ دیگر موٹر سائیکلوں اور الیکٹرک سکوٹرز کے ساتھ نمائش کے لیے پیش کیا گیا۔ بائکس کی مختلف رینج میں یو ایس 150 اپنے بہترین ڈیزائن، امید افزا خصوصیات اور یقیناً مناسب قیمت کی وجہ سے نمایاں ہے۔
ڈیزائن
بائک کے ڈیزائن کی بات کریں تو یونائیٹڈ کی یہ بائک دیکھنے میں مشہور بائک ہنڈا CB 150Fسے ملتی جلتی ہے۔
فیچرز
بائک میں سنگل سلنڈر 150 سی سی OHV انجن دیا گیا جو کہ کافی قابل اعتماد ہے۔ بائک میں ایک بنیادی کاربوریٹر سیٹ اپ، 5 سپیڈ گئیر باکس دیا گیا ہے جو کہ بائک کی پرفارمنس کو بہتر بناتا ہے۔
اس کے علاوہ بھی اس بائک میں ایسے فیچرز دئیے گئے ہیں جو اس کی خوبیوں میں اضافہ کرتے ہیں جس میں اس کا سپورٹی ڈیزائن، جاذب نظر الائے ویلز شامل ہیں۔ مزید برآں ڈسک بریک سسٹم بریک کی پرفارمنس کو بہتر بناتا ہے۔
قیمت
آٹو ایکسپو کے دوران، یونائیٹڈ 150 سی سی کی قیمت 1100 ڈالر رکھی گئی تھی۔ تاہم، کمپنی نے اس موٹرسائیکل کو مقامی مارکیٹ میں زیادہ سستی قیمت پر لانچ کرنے کا فیصلہ کیا ہے۔
اس بارے میں آپ کے کیا خیالات ہیں؟ ذیل میں دئیے گئے کمنٹس سیکشن میں اپنے خیالات کا اظہار کریں۔