2024 پاکستان میں گاڑیوں کی لانچ کے حوالے سے ایک انقلابی سال ثابت ہونے جا رہا ہے۔ رواں سال ہمیں ہمیں یارس فیس لفٹ، Honri Ve، گوگو گی گی مِنی، پاکستان میں تیار کی گئی کرولا کراس اور 2000 سی سی ایم جی ایچ ایس جیسی گاڑیاں ملیں۔ اس کے علاوہ، اگلے ہفتے دیپال اور BYDکی آفیشل لانچنگ 16 اور 17 اگست 2024 کو متوقع ہے۔ مزید برآں، ہو سکتا ہے کہ سال کے آخر تک مزید گاڑیاں بھی لانچ کی جائیں۔ ذیل میں چند گاڑیوں کی متوقع لانچ کی فہرست دی گئی ہے۔ یہ معلومات پاک ویلز کے قابل اعتماد ذرائع سے حاصل کی گئی ہیں۔
BYD کی الیکٹرک اور PHEVگاڑیاں
BYD، ایک چینی نژاد کمپنی ہے جو دنیا کی سب سے بڑی الیکٹرک گاڑیاں بنانے والی کمپنی بھی ہے۔ یہ پاکستان میں 17 اگست 2024 کو اپنے آپریشنز کا آغاز کرے گی۔ ہمارے ذرائع سے حاصل شدہ معلومات کے مطابق، یہ کمپنی اپنے تین ماڈلز لانچ کرے گی جن میں دو EV اور ایک PHEV شامل ہیں:
| Model | Type | Expected Price |
| BYD Dolphin | EV hatchback | 90 lacs PKR |
| BYD Atto 3 | EV crossover | 1.7 crore PKR |
| BYD Sealion 6 | PHEV crossover | 1.1 crore PKR |
یہ تین گاڑیاں 17 اگست 2024 سے بکنگ کے لیے دستیاب ہوں گی۔
دیپال کی الیکٹرک گاڑیاں
دیپال جو کہ چین میں چنگان کی ماتحت کمپنی ہے، مکمل طور پر الیکٹرک گاڑیاں بناتی ہے۔ یہ برانڈ بھی ماسٹر موٹرز کے ذریعے پاکستان آ رہا ہے، جو کہ پاکستان میں چنگان کے فرنچائز کے مالک ہیں جو اس وقت دو ماڈلز لانچ کرنے کی تیاریاں کر رہے ہیں۔
| Model | Type | Expected Price |
| L07 | C-segment EV crossover | 1.7 crore PKR |
| S07 | D-segment sedan | 1.7 crore PKR |
برانڈ اپنے آپریشنز کا آغاز 16 اگست 2024 کو کرے گا، جو کہ BYD کی لانچ سے ایک دن پہلے ہو گا۔
ہنڈائی ایلانٹرا فیس لفٹ ہائبرڈ
ہمارے ذرائع کے مطابق، نشاط موٹرز پہلے ہی ہنڈائی کی فیس لفٹ ایلانٹرا کو پاکستانی سڑکوں پر ٹیسٹ کر رہی ہے۔ وہ پاکستان میں 7ویں جنریشن ایلانٹرا کو ہائبرڈ انجن کے ساتھ متعارف کروانے کا ارادہ رکھتی ہے۔ اس وقت پاکستان میں 6ویں جنریشن ایلانٹرا موجود ہے جو کہ قدرتی طور پر 1600 سی سی اور 2000 سی سی انجن کے ساتھ ہے۔ 7ویں جنریشن کے لیے ہم یقین سے نہیں کہہ سکتے کہ ہیونڈائی پاکستان میں کونسی انجن کنفیگریشن فراہم کرے گا۔ ہو سکتا ہے کہ وہ ہائبرڈ ویرینٹ کے ساتھ N ویرینٹ بھی لانچ کریں، جو کہ 1.4 لیٹر ٹربوچارجڈ ورژن ہو گا جس میں انٹیریئر اور ایکسٹیریئر پر کچھ اسپورٹی کاسمیٹک اضافے ہوں گے۔
| Model | Type | Expected Price |
| Hyundai Elantra Hybrid | C-segment upper budget sedan | 1.1 crore PKR |
| Hyundai Elantra N | High-performance version of Elantra | 1.7 crore PKR |
5ویں جنریشن کِیا سپورٹیج
7ویں جنریشن ایلانٹرا کی طرح ہمیں یہ بھی پتہ چلا ہے کہ کِیا اپنی 5ویں جنریشن سپورٹیج کو پاکستان کے شمالی علاقوں میں ٹیسٹ کر رہی ہے۔ اس سے ظاہر کرتا ہے کہ لکی موٹرز جو کہ پاکستان میں کِیا کا مالک ہے ، پانچویں جنریشن سپورٹیج کو لانچ کرنے میں دلچسپی رکھتا ہیں۔
ہمیں یہ معلوم نہیں کہ آیا یہ ہائبرڈ، ٹربوچارجڈ، یا نیچرلی ایسپائریٹڈ ماڈل ہو گا۔ بس اتنا ہی معلوم ہے کہ سپورٹیج کی پانچویں جنریشن جلد ہی پاکستان میں دستیاب ہو سکتی ہے۔
| Model | Type | Expected Price |
| Kia Sportage | Crossover | 1.05 crore PKR |
سوزوکی ایوری
پاک سوزکی ممکنہ طور پر پاکستان میں مقامی طور پر تیار کردہ ایوری کو جے ڈی ایم ورژن کی طرح ہی متعارف کروا سکتی ہے۔ تاہم، امکانات بہت کم ہیں اور سوزوکی کی ٹیم کی جانب سے اس کے بارے میں کوئی خاص معلومات نہیں ملیں۔
| Model | Type | Expected Price |
| Suzuki Every | Budget hatchback | 26 lacs PKR |
