10ویں جنریشن کی ہونڈا ایکورڈ پاکستان میں لانچ کردی گئی
ہونڈا اٹلس کارز پاکستان لمیٹڈ نے 4 ستمبر 2019ء کو نئی 10 ویں جنریشن کی ہونڈا ایکورڈ پاکستان میں لانچ کردی ہے۔
افتتاحی تقریب مانگا منڈی میں واقع ہونڈا اٹلس کار فیکٹری میں منعقد ہوئی کہ جہاں پاکستان میں پہلی بار اِس گاڑی کی رونمائی کی گئی۔ دنیا بھر میں 10 ویں جنریشن کے ماڈل کی رونمائی جولائی 2017ء میں ہوئی تھی اور اس کی پیداوار اور فروخت کا آغاز بھی اسی سال میں ہو گیا تھا۔ آئیے جلدی سے دیکھتے ہیں کہ ہونڈا ایکورڈ پاکستان کی مقامی مارکیٹ میں صارفین کے لیے کیا کچھ پیش کرتی ہے۔
پاور ٹرین اور ٹرانسمیشن:
نئی ہونڈا ایکورڈ 2019ء 1.5L DOHC اِن-لائن 4 سلنڈر انجن 16 والوز کے ساتھ آتی ہے۔ یہ ایک VTEC ٹربو انجن ہے جو 1498cc کی گنجائش رکھتا ہے۔ 10:3:1 کے کمپریشن ریشو کے ساتھ نئی ایکورڈ 73×89.5 mm کا بور اینڈ اسٹروک رکھتی ہے۔ ہونڈا ایکورڈ میں استعمال ہونے والا فیول سپلائی سسٹم ڈائریکٹ انجکشن PGM-FI ہے۔ اس کے علاوہ کمپنی گاڑی میں استعمال کے لیے کم از کم اَن لیڈڈ RON 91 فیول تجویز کرتی ہے۔ گاڑی میں شامل ایک اور فیچر ڈرائیو بائے وائر تھروٹل (DBW) ہے۔ 1.5L VTEC ٹربو انجن کو ارتھ ڈریم ٹیکنالوجی کے ساتھ continuous variable transmission (CVT) کے ساتھ جوڑا گیا ہے۔ یہ ٹیکنالوجی ڈرائیونگ تجربے کو بہتر بنانے کے علاوہ گاڑی کی ایندھن بچت کو بھی بڑھاتی ہے۔ گاڑی میں پیڈل شفٹرز بھی دیے گئے ہیں جو ڈرائیور کو اسٹیئرنگ ویل سے ہاتھ ہٹائے بغیر گیئر شفٹ کرنے کی سہولت دیتے ہیں۔ ہونڈا ایکورڈ 2019ء ایک طاقتور انجن رکھتی ہے کہ جو 5600 rpm پر 134 Kw کی زیادہ سے زیادہ طاقت اور 5000 rpm پر 233 Nm کا زیادہ سے زیادہ ٹارک دینے کی صلاحیت رکھتا ہے۔
سسپنشن اور بریکنگ سسٹم:
ہونڈا ایکورڈ جدید سسپنشن اور بریکنگ سسٹم سے لیس ہے تاکہ مسافروں کے آرام اور تحفظ کو یقینی بنایا جا سکے۔ یہ فرنٹ میں میک فرسن اسٹرٹ اور گاڑی کے پچھلے حصے میں ملٹی لنک سسپنشن رکھتی ہے۔ دوسری جانب بریکنگ سسٹم میں اگلے پہیوں میں وینٹی لیٹڈ ڈسک بریکس اور پچھلے پہیوں میں سولِڈ ڈسک بریکس شامل ہیں۔ آٹو بریک ہولڈ سسٹم کے ساتھ ایک الیکٹرک پارکنگ بریک ٹائپ بھی گاڑی میں شامل ہے۔ پھر یہ گاڑی فیول ٹینک میں 56 لیٹرز کی فیول گنجائش بھی رکھتی ہے۔
پیمائش:
نئی ہونڈا ایکورڈ کی مجموعی لمبائی، چوڑائی اور اونچائی بالترتیب 4901 mm، 1862 mm اور 1450 mm ہیں۔ گاڑی کا ویل بیس 2830 mm کا اور گراؤنڈ کلیئرنس 131.3 mm ہے۔ یہ 5.7 m کا ٹرننگ ریڈیئس رکھتی ہے۔
ایکسٹیریئر:
ہونڈا ایکورڈ 2019ء کی شکل بظاہر سوِک سے ملتی جلتی ہے۔ لیکن سامنے سے اِس کی شکل جارحانہ اور مہارت کا ملاپ نظر آتی ہے، جو اس کے ڈیزائن انداز کو بخوبی بیان کرتی ہے۔ یہ اربن سیڈان باہر سے بہت باکمال اور دلکش نظر آتی ہے۔ اس کی باڈی ایروڈائنامکس کے لحاظ سے بہت خوبی کے ساتھ تیار کی گئی ہے۔ مکمل LED ہیڈلائٹس میں آٹو ایڈجسٹر فیچر ہے تاکہ رات میں ڈرائیونگ کرتے ہوئے دیکھنے کی صلاحیت کو بڑھایا جائے۔ ہیڈلائٹس LED ڈے ٹائم رننگ لائٹس (DRLs) کے ساتھ آتی ہیں۔ LED فوگ لائٹس بھی آٹو مینوفیکچرر کی جانب سے شامل کی گئی ہیں۔ یہ ون-ٹچ سسٹم رکھنے والی الیکٹرک سن رُوف کی حامل ہے۔ سائیڈوں سے یہ سیڈان باڈی میں واضح کاٹ رکھتی ہے تاکہ ایروڈائنامک کی اثر انگیزی کو بہتر بنایا جا سکے۔
نئے ماڈل کے باہری ڈور ہینڈلز گاڑی کے رنگ کے اور کروم لائننگ کے ساتھ آتے ہیں۔ پاور فولڈیبل ڈور سائیڈ مررز الیکٹریکلی کنٹرول اور ایڈجسٹ کیے جا سکتے ہیں۔ LED ٹرن سگنلز پاور ری-ٹریکٹ ایبل سائیڈ مررز میں دیے گئے ہیں۔ ڈور مررز کمپنی کی جانب سے لگایا گیا ایک ریورس ٹلٹ-ڈاؤن فنکشن رکھتے ہیں۔ ہونڈا ایکورڈ LED ریئر کمبی نیشن ٹیل لائٹس رکھتی ہے جو ڈیزائن کے لحاظ سے غیر معمولی نظر آتی ہیں۔ پیچھے سے آنے والے ٹریفک کے لیے نظر آنے کی صلاحیت بہتر بنانے کے لیے اس میں ریئر رفلیکٹرز بھی موجود ہیں۔ یہ گاڑی پچھلے حصے میں LED ہائی ماؤنٹ اسٹاپ لیمپ رکھتی ہے۔ سیڈان ایک جارحانہ ڈوئل-آؤٹ لیٹ ایگزاسٹ رکھتی ہے جو آؤٹ لائن پر کروم فنشنگ رکھتا ہے۔ 18 انچ الائے ویلز کے ساتھ ٹائر سائز 235/45 R18 ہے اور یہ گاڑی ڈِگی میں اضافی ٹائر کے ساتھ بھی آتی ہے۔
انٹیریئر، آرام اور سہولت:
نئی ہونڈا ایکورڈ کشادہ انٹیریئر رکھتی ہے جو گاڑی میں داخل ہونے پر ایک نیا احساس دیتا ہے۔ سیٹیں اعلیٰ قسم کے کالے رنگ کے چمڑے سے بنائی گئی ہیں۔ ڈرائیور کی سیٹ 8-وے پاور ایڈجسٹمنٹ فیچر رکھتی ہے اور بہتر بیک پوسچر کے لیے اس میں 4-وے لمبر سپورٹ بھی موجود ہے۔ مسافر کی سیٹ میں 4-وے ایڈجسٹمنٹ فیچر ہے اور اس میں دو پوزیشن میموری فنکشن بھی ہے تاکہ ڈرائیور اور مسافر کاسیٹ ایڈجسٹمنٹ لیول یاد رکھے۔ پچھلی سیٹیں وَن یونٹ ہیں، جنہیں ڈِگی میں اضافی جگہ کے لیے فولڈ بھی کیا جا سکتا ہے۔ گاڑی کی ڈِگی 573لیٹر کی وسیع گنجائش رکھتی ہے۔گاڑی کا اسٹیئرنگ سسٹم EPS کے ساتھ dual pinions ہے۔ اسٹیئرنگ ویل ایک ٹِلٹ اینڈٹیلی اسکوپک ایڈجسٹمنٹ سہولت رکھتا ہے۔ ایکورڈ کا کیبن اچھا لائٹنگ سسٹم رکھتا ہے جس میں گلَو باکس لائٹ، لگیج ایریا لائٹ اور متعدد وینٹی مِرر لائٹس شامل ہیں۔ ڈگی میں لِڈ لائننگ بھی ہے اور تمام کھڑکیاں الیکٹریکلی کنٹرول کی جا سکتی ہیں۔
آرام اور سہولت کی خاطر گاڑی پُش اسٹارٹ بٹن کے ساتھ اسمارٹ اِنٹری رکھتی ہے۔ مینوفیکچرر کی جانب سے ڈوئل زون کلائمٹ کنٹرول ایئر کنڈیشننگ سسٹم کے ساتھ ریموٹ انجن اسٹارٹ کی سہولت بھی فراہم کی گئی ہے۔ ہونڈا ایکورڈ رَین سینسرز سے بھی لیس ہے جو بارش کے دوران آٹو وائپرز کو ایکٹیویٹ کر دیتے ہیں۔ یہ سیڈان کئی دوسرے فیچرز بھی رکھتی ہے جن میں نوائس رِڈیوسنگ ویلز، ایکٹِو نوائس کنٹرول، ریئر وینٹی لیشن ڈَکٹس اور آٹو ڈِمنگ ریئر ویو مرر شامل ہیں۔ گاڑی کے اندر وائرلیس فون چارجر بھی شامل کیا گیا ہےجو 12V کے پاور آؤٹ کے علاوہ ہے۔ اسٹیئرنگ ویل اور شفٹ نوب پر چمڑے کا کام کیا گیا ہے۔ گاڑی کے انٹیریئر میں لکڑی کا کام بھی نظر آتا ہے جو کیبن کو خوبصورت بناتا ہے۔
آٹو مینوفیکچرر کی جانب سے گاڑی میں کروز کنٹرول سسٹم بھی انسٹال کیا گیا ہے۔ ECON مع ECO اسِسٹ اور اسپورٹس سمیت کئی ڈرائیونگ موڈز بھی فراہم کیے گئے ہیں۔ ایک بٹن دبانے سے انجن کا رویّہ تبدیل ہو جاتا ہے۔ اسپورٹس موڈ بھرپور رفتار کے ساتھ بہترین ڈرائیونگ پیش کرتا ہے۔ انسٹرومنٹ کلسٹر میں ایک اوڈومیٹر، ٹرپ میٹر (A/B)، فوری/ایوریج فیول اکانمی، رینج، اوسط رفتار، اب تک گزر جانے والا وقت اور باہر کا درجہ حرارت ظاہر کرتا ہے۔ اسٹیئرنگ ویل میں متعدد کنٹرولز شامل کیے گئے ہیں جن میں کروز کنٹرول، آڈیو کنٹرول، بلوٹوتھ وغیرہ شامل ہیں۔
ملٹی میڈیا اور کنیکٹیوٹی:
نئی 10 ویں جنریشن کی ایکورڈ جدید capacitive ٹچ اسکرین کے ساتھ 8 انچ ڈسپلے رکھتی ہے۔ آڈیو سسٹم AM/FM ریڈیو، MP3/WMA، اسمارٹ فون کنیکٹیوٹی اور بلوٹوتھ فون ڈسپلے سمیت متعدد فیچرز بھی رکھتا ہے۔ گاڑی کا انٹرٹینمنٹ سسٹم آٹو کار پلےکے ساتھ آتا ہے۔ اس سیڈان میں 6 اسپیکرز تک انسٹال ہیں جو کیبن کے اندر سراؤنڈ ساؤنڈ پیش کرتے ہیں۔ اس میں چار USB پورٹس ہیں تاکہ چارجنگ کیبل کے ذریعے موبائل فونز چارج کیے جا سکیں۔
سیفٹی فیچرز:
ہونڈا ایکورڈ جدید سیفٹی فیچرز رکھتی ہے۔ سٹی سمیت ہونڈا کی زیادہ تر کاریں پاکستانی مارکیٹ میں بنیادی سیفٹی فیچرز نہیں رکھتیں۔ البتہ ایکورڈ مسافروں کے لیے کئی سیفٹی اور سکیورٹی خصوصیاتی پیش کرتی ہے۔ سیڈان میں اینٹی لاکنگ بریکنگ سسٹم (ABS) اور بریک اسِسٹ اور الیکٹرانک بریک فورس ڈسٹری بیوشن (EBD) ہیں۔ اس میں ایمرجنسی اسٹاپ سگنل (ESS) اور ہِل اسٹارٹ اسِسٹ (HSA)فیچر ہے جو گاڑی کو چڑھائی چڑھتے ہوئے پیچھے واپس جانے سے روکتے ہیں۔ یہ لین واچ فیچر کے ساتھ بھی آتی ہے کہ جو سائیڈ وِیو مرر پر ایک چھوٹا سا کیمرا رکھتا ہے جو سائیڈ ویو کے بہتر بناتا اور یوں بلائنڈ اسپاٹ کو بھی کم کرتا ہے اور یہ گاڑی وہیکل اسٹیبلٹی اسسٹ (VSA) فیچر سے بھی لیس ہے۔ نئی ہونڈا ایکورڈ 6عدد SRS ایئر بیگز سے لیس ہے جن میں سے دو ڈرائیور اور اگلے مسافر کے لیے ہیں اور دو سائیڈ کرٹینز میں۔ گاڑی پچھلے حصے میں چائلڈ سیفٹی سیٹ اینکریجز بھی رکھتی ہے جنہیں ISO-FIX کہا جاتا ہے ۔ پچھلے دروازوں میں بچوں کی بہتر سیفٹی کے لیے چائلڈ پروف لاکس بھی ہیں۔ 3-پوائنٹ ELR سیٹ بیلٹس بھی گاڑی میں بنیادی سیفٹی کے طور پر موجود ہیں اور سیٹ بیلٹ ریمائنڈ بھی ظاہر ہوتا ہے۔
ملٹی اینگل ریورسنگ کیمرا ڈرائیور کو گاڑی ریورس کرتے ہوئے متعدد گائیڈ لائنز کے ذریعے مدد دیتا ہے۔ سکیورٹی فیچر کے طور پر ایکورڈ ایک ECO اموبیلائز کی مع سکیورٹی الارم سسٹم رکھتی ہے جو اس گاڑی میں انسٹالڈ ہے۔ اگر ڈرائیور گاڑی لاک کرنا بھول جائے تو یہ واک اَوے آٹو لاک سسٹم کے ذریعے سکیورٹی کو مزید بہتر بناتی ہے۔
رنگ:
ہونڈا یکرڈ 2019ء پاکستان میں 5 رنگوں میں پیش کی گئی ہیں۔ ان میں شامل ہیں:
لیونر سلور میٹالک
ماڈرن اسٹیل میٹالک
پلاٹینم وائٹ پرل
بریلینٹ اسپورٹی بلو میٹالک
کرسٹل بلیک پرل
قیمت:
ایکورڈ کے نئے 1.5L VTEC ٹربو انجن ماڈل کی تعارفی قیمت 1,19,99,000 روپے ہے۔ گاڑی کی خصوصیات کی مکمل فہرست یہ ہے:
پاکستان میں لانچ کی گئی نئی ایکورڈ کے بارے میں آپ کی رائے کیا ہے؟ ہمیں نیچے تبصروں میں ضرور بتائیں اور پاکستان کی آٹوموبائل انڈسٹری کی مزید خبروں کے لیے پاک ویلز پر آتے رہیں۔