2018 ٹویوٹا کیمری ہائبرڈ کی خفیہ تصاویر اور قیمت منظر عام پر آگئی
چند ماہ قبل ہم نے آپ کو بتایا تھا کہ ٹویوٹا انڈس موٹرز پاکستان میں 2018 ٹویوٹا کیمری ہائبرڈ متعارف کروانے کا ارادہ رکھتا ہے۔ بہت سے لوگوں کے لیے یہ بات ناقابل یقین حد تک حیران کن تھی لیکن اب اس نئی گاڑی کی خفیہ تصاویر منظر عام پر آچکی ہیں جن سے یقین نہ کرنے والوں کو بھی یقین آ ہی جائے گا۔ گو کہ اس سے قبل میں ہائبرڈ کیمری کی چند تصاویر لیک ہوئی تھیں لیکن اس مرتبہ صرف تصاویر ہی نہیں بلکہ گاڑی کی ممکنہ قیمت کا بھی انکشاف ہوا ہے۔
لیکس سے حاصل ہونے والی معلومات کے مطابق ٹویوٹا کیمری ہائبرڈ کی ممکنہ قیمتیں یہ ہوسکتی ہیں:
- کیمری ہائبرڈ (پریمیئم گریڈ) قیمت: 84,99,000 روپے
- کیمری ہائبرڈ (سادہ ماڈل) قیمت: 82,99,000 روپے
یہاں یہ بات ذہن نشین رکھیے یہ حتمی قیمتیں نہیں ہیں اور فی الحال انہیں افواہ ہی کہا جاسکتا ہے۔ ہم کوشش کر رہے ہیں کہ اپنے قارئین کو اس حوالے سے جلد ہی مصدقہ معلومات فراہم کریں۔
ٹویوٹا پاکستان کی جانب سے کیمری ہائیرڈ کو درج ذیل رنگوں میں متعارف کروایا جاسکتا ہے:
- نقرئی (Silver metallic)
- سفید (Platinum Pearl white)
- گہرا نیلا (Dark Blue)
- سیاہ (Attitude Black)
- سنہری (Steel Blonde)
- سرخ (Emotional Red)
پاکستان میں نئی ٹویوٹا کیمری کے بارے میں مزید تفصیلات جاننے کے لیے ہمارے ساتھ رہیے۔