آؤڈی A4 2016: ایک مالک کی نظر سے
آؤڈی A4 ایک فرنٹ ویل سیڈان ہے جو تقریباً 60 لاکھ روپے میں آتی ہے۔ اس گاڑی کی کل رجسٹریشن لاگت، لگژری ٹیکس سمیت، 2.5 لاکھ روپے ہے۔ پاکستان کی سڑکوں کو دیکھتے ہوئے اس گاڑی کا سسپنشن اچھا ہے، لیکن اسپیڈ بریکرز کے اوپر سے گزرتے ہوئے کلیئرنس کا مسئلہ ضرور ہے۔
انجن، ٹرانسمیشن اور مائلیج
آؤڈی A4 2016 ایک 1.4 لیٹر یعنی 1400cc کا TFSI انجن رکھتی ہے۔ 1400cc انجن کی سیڈان ہونے کے باوجود یہ گاڑی کم طاقت کی حامل نہیں۔ اس لیے کیونکہ انجن 150 hp اور 250 Nm ٹارک پیدا کرتا ہے۔ اس کی ایک اور وجہ بھی ہے اور وہ یہ کہ A4 ایک ہلکی باڈی رکھتی ہے (پرانی A4 کے مقابلے میں 95 کلوگرام کم)، جو ایروڈائنامک لحاظ سے تیار کی گئی ہے۔
یہ کار 7-اسپیڈ ایس-ٹرونِک ٹوئن-کلچ آٹومیٹک گیئر ٹرانسمیشن کے ساتھ آتی ہے۔ یہ پرانی A4 کی ملٹی ٹرونِک ٹرانسمیشن سے بہتر ہے۔ شہر کے اندر یہ گاڑی ایک لیٹر میں 12 سے 13 کلومیٹر چلائی جا سکتی ہے اور ہائی وے پر ایک لیٹر میں 18 کلومیٹر تک چل سکتی ہے۔ اس کا انحصار ایندھن کے معیار پر ہے اور آؤڈی A4 کو ہائی اوکٹین فیول (کم از کم 95 RON) کی ضرورت ہوتی ہے۔
ایکسٹیریئر
پہلی نظر میں آؤڈی A4 پرانی آؤڈی A4 کا فیس لفٹ ورژن لگتی ہے۔ البتہ اگر آپ غور سے دیکھیں تو آپ کو دونوں ماڈلز کے درمیان زیادہ فرق نظر آئیں گے۔
بونٹ پر تیکھی لکیریں ہیں جو اسے زیادہ اسپورٹی اور نفیس انداز دیتی ہیں۔ مزید یہ کہ پرانے ماڈل کے مقابلے میں یہ A4 زیادہ پتلے بمپرز، نچلی اور زیادہ چوڑی 3ڈی سنگل-فریم گرِل اور تیز LED لائٹس ، آؤڈی کی مشہورِ زمانہ ہیڈلائٹس، بائی-زینون ہیڈلیمپس اور ہیڈلائٹ واشرز رکھتی ہے۔
انٹیریئر
آؤڈی A4 کا انٹیریئر جدید اور اعلیٰ خصوصیات رکھتا ہے۔ کیبن کشادہ ہے، جو باآسانی چار مسافروں کو جگہ دے سکتا ہے۔
انسٹرومنٹ کلسٹر مکمل طور پر ڈجیٹائز ہے اور اس میں شامل ہیں:
میٹرکس LED
آٹومیٹک پارکنگ
4 ڈرائیونگ موڈز
ٹریکشن آن/آف
اینٹی-سلپ
3 زون کلائمٹ کنٹرول
چھ ایئر بیگز
بینگ اینڈ اولوفسن میوزک سسٹم
پیڈل شفٹرز
8 سی ڈی چینجر
کروز کنٹرول
سن روف
پُش اسٹارٹ
آٹومیٹک سیٹ ایڈجسٹمنٹ
4 ڈرائیونگ موڈز
کمفرٹ – اس موڈ میں سسپنشن نرم ہو جاتا ہے جبکہ انجن ایک ہموار رفتار دیتا ہے
ڈائنامک – اس موڈ میں سسپنشن کم نرم ہوتا ہے اور انجن زیادہ ردعمل دکھاتا ہے
آٹو – اگر آپ ڈائنامک اور کمفرٹ موڈز کے درمیان اپنی گاڑی چلانا چاہتے ہیں تو اس موڈ پر منتقل ہو جائیں
مخصوص – گاڑی چلاتے ہوئے ڈرائیور کی ذاتی پسند کا انتخاب دینے والا موڈ
فاضل پرزے، ٹائرز اور ری سیل
پرزے مقامی سطح پر دستیاب ہیں، اور جو نہیں ہے وہ ڈیلرشپ کی جانب سے درآمد کرلیے جاتے ہیں۔ البتہ وہ مہنگے ہیں۔ مثال کے طور پر اے سی فلٹر ہی کی قیمت 12 ہزار روپے ہے اور آئل فلٹر 14 ہزار روپے کا پڑے گا۔ ہر 7500 کلومیٹر کے بعد آئل چینج کرنے کی ضرورت پڑتی ہے۔
آؤڈی A4 میں رن فلیٹ ٹائر (RFT) انسٹال ہے۔ یہ سخت ٹائرز ہیں اور ہماری سڑکوں کے لیے نہیں ہے۔ یہ ڈرائیونگ کے دوران آرام دہ نہیں ہوتے اور پھٹ بھی سکتے ہیں۔ البتہ یہ گاڑی ایک فاضل ٹائر کے ساتھ آتی ہے۔
روپے کی قدر میں کمی کی وجہ سے آؤڈی کی ری سیل اچھی ہے۔ آؤڈی پاکستان میں مرسڈیز کی طرح ایک معروف برانڈ بن چکا ہے اور اس لیے اس کی ری سیل اچھی ہے۔
