پاکستان میں موجودپیٹرول کی بچت کرنے والی بہترین ہیچ بیکس۔

 پیٹرول کی قیمتوں کے اتار چڑھاؤکی وجہ سے،پاکستان میں جب بھی ہیچ بیک کی خریداری کی بات آئی ہے تو فیول ایفیشنسی ہمیشہ سے ہی صارفین کی اولین ترجیح رہی ہے۔پاکستان میں لوگوں کی خریداری کی طاقت کو ذہن میں رکھتے ہوئے،یہ بات بھی قابلِ ذکر ہے کہ ہیچ بیکس زیادہ تر ان خریداروں کے لئے ہوتی ہے جو اپنی گاڑی کی فیول ایفیشنسی کے معاملے میں کافی متحرک ہوتے ہیں۔یہاں ہم کچھ ایسی بہترین ہیچ بیکس کا ذکر کریں گے جو کہ آپ کی جیب پر بوجھ نہیں بنیں گی۔

              ڈائی ہٹسو میِراکے تمام ماڈلز کو پاکستانی مارکیٹ میں اچھی خاصی پزیرائی حاصل ہو ئی۔مگر نئی میِرا ای ایس جو کہ ایِکو آئیڈل کی خصوصیات کی حامل ہے نے خود کو چھ سو ساٹھ سی سی گاڑیوں میں سب سے زیادہ فیول ایفیشنٹ ثابت کیا ہے۔اور تو اور بعد از خرید فروخت کی اچھی قیمت اور سپیئر پارٹس کی دستیابی اسے پاکستانی مارکیٹ کی سب سے بھروسہ مند ہیچ بیک بناتی ہے۔ اس کے علاوہ میِرا ای ایس اے بی ایس بریکس،آٹو میٹک ٹرانسمیشن،پاور وِنڈوز،پاور سٹیئرنگ،ریٹکٹبل مِررز اور دو ایئر بیگز کے ساتھ آتی ہے۔ڈائی ہٹسو میِراای ایس عام حالات میں شہر کے اندر تقریباً بیس کلو میٹر پر لیٹر دیتی ہے۔

              جے ڈی ایم گاڑیوں کے لائن اپ میں،سوزوکی آلٹو ایِکو ڈائی ہٹسو میِرا کی براہِ راست مدِمقابل ہے اس کی وجہ یہ حقیقت ہے کہ دونوں گاڑیاں ہی اِکو آئیڈل خصوصیات کی مالک ہیں اور آپ کے بہت سے پیسے بچاتی ہیں۔لیکن ڈائی ہٹسو میِرا کے مقابلے میں سوزوکی آلٹو اپنی غیر پرکشش بناوٹ کی وجہ سے مارکیٹ کی توجہ حاصل کرنے میں ناکام رہی۔سوزوکی آلٹوبھی عام حالات میں شہر کے اندر بیس کلو میٹر پر لیٹر کی ایوریج دیتی ہے۔

           ایک ہزار سی سی ہیچ بیکس کی طرف آئیں تو،ٹویوٹاپاسو ہیچ بیک کی مارکیٹ میں ایک کامیاب گاڑی ہے۔ٹویوٹا پاسو تمام ضروری بنیادی سہولیات جیسا کہ اے بی ایس بریکس،ریٹکٹیبل مِررز،پاور وِنڈوز،پاور سٹیئرنگ اور انفوٹینمنٹ سسٹم رکھتی ہے جو کہ اسے پاکستانی سڑکوں کے لئے موزوں گاڑیوں میں ایک اہم ہزار سی سی ہیچ بیک بناتی ہے۔ٹویوٹا پاسو شہر بھر میں عام حالات میں پندرہ سے سولہ کلو میٹر پر لیٹرایوریج دیتی ہے۔

               مقامی طور پر تیار کردہ سوزوکی ویگن آر ہزار سی سی کے سیریز کا انجن رکھتی ہے جو کہ پاک سوزوکی کی جانب سے بنایا گیا اب تک کا سب سے زیادہ فیول ایفیشنٹ انجن ہے۔اس کے متعلق تنقید کو ایک طرف کرتے ہوئے،یہ بات نہائت اہم ہے کہ سوزوکی ویگن آر کو ہمیشہ ہی اس کی فیول ایفیشنسی کی وجہ سے سراہا گیا ہے۔جیسا کہ یہ آٹو میٹک ٹرانسمیشن،انفوٹینمنٹ سسٹم اور اے بی ایس بریکس نہیں رکھتی مگر پھر بھی ہیچ بیکس کے صارفین اسے کافی ترجیح دیتے ہیں۔سوزوکی ویگن آر شہر میں اے سی کے ساتھ پندرہ سے سولہ کلو میٹر پر لیٹر کی ایوریج دیتی ہے۔

           نئی سوزوکی کلٹس بھی ویگن آر کی طرح ہزار سی سی کے سیریز کا انجن رکھتی ہے تو اس کا مطلب ہے کہ یہ ڈیزائن اورفیول ایفیشنسی کے لحاظ آپ کونا امید نہیں کرے گی۔

(سب سے اہم بات)ان تمام گاڑیوں کی فیول ایفیشنسی کا انحصار آپ کی ڈرائیونگ عادات سے جڑاہے۔سب سے بہتر فیول ایوریج حاصل کرنے کے لئے،اس بات کو یقینی بنائیں کہ آپ گاڑی کو نرم پاؤں سے چلا رہے ہیں۔آپ فیول ایوریج کے حوالے سے ان گاڑیوں کے بارے میں کیا کہتے ہیں؟اپنے خیالات کا اظہارنیچے کمینٹ با کس میں کریں۔