حفاظتی سہولیات کی جانچ: BMW گاڑیوں کا مشکل اور منفرد امتحان
جرمن ادارے اپنی مضبوط اور محفوظ ترین گاڑیوں کی وجہ سے دنیا بھر میں ایک خاص مقام رکھتے ہیں۔ ان میں BMW کا نام بھی خاصہ نمایاں ہے کہ جو اپنی گاڑیوں کو ہر ممکن حادثے میں مسافروں کی حفاظت یقینی بنانے کے لیے نئی اور جدید سہولیات استعمال کرتا رہا ہے۔ بی ایم ڈبلیو دنیا کے ان چند اداروں میں بھی شامل ہے کہ جو نئی گاڑی پیش کرنے سے قبل اس کے حفاظتی معیارات جانچنے کے لیے مشکل ترین مراحل سے گزارتے ہیں۔ اس دوران گاڑی کو خطرناک ترین موڑ کاٹتے ہوئے الٹ جانے کی صورت میں مسافروں کو محفوظ لاحق ممکنہ خطرات کو بھی بھانپا جاتا ہے۔
بہترین معیار کی وجہ سے BMW گاڑیوں کے الٹ جانے کے واقعات شاذ و نادر ہی سننے میں آتے ہیں لیکن اس کے باوجود جرمن ادارہ گاڑی کو اس صورتحال سے بھی گزارنے کا کڑا امتحان لیتا ہے۔ علاوہ ازیں جرمن ادارہ X6 میں خصوصی سینسرز بھی استعمال کر رہا ہے جس کی مدد سے گاڑی میں ایئر بیگز کی افادیت مزید بڑھائی گئی ہے۔ اس بات میں کوئی دو رائے نہیں کہ ایسی آزمائشوں کے ذریعے BMW اپنی صلاحیتوں اور صارفین کے اعتماد میں مزید اضافہ کر رہا ہے۔
یہ بھی پڑھیں: بی ایم ڈبلیو X1 سے متعلق 10 باتیں جن سے اکثریت لاعلم ہے!
