ہونڈا CG 125S بمقابلہ یاماہا YB 125Z : ایک مختصر تقابل
ہونڈا پاکستان کی جانب سے اپنی نئی CB 125F کی رونمائی کرنے کے صرف دو مہینے بعد کمپنی نے ایک کی پسند CG 125 کا اپگریڈ شدہ ورژن متعارف کروا دیا کہ جس کا نام ہونڈا CG 125S اسپیشل ایڈیشن ہے۔
مشہورِ زمانہ موٹر سائیکل کے اپگریڈڈ ورژن کو اپنی مقابل یاماہا YB 125Z کے مقابلے میں بہت کچھ کرنا ہوگا۔ یہ معاملہ مزید واضح ہوگا جب آپ اٹلس ہونڈا کی جانب سے اپنی معروف موٹر سائیکل میں کی گئی اپ گریڈیشنز کی قسمیں دیکھیں گے۔ جیسا کہ نام سے ظاہر ہے کہ CG 125 میں S سیلف اسٹارٹ فیچر کو ظاہر کرتا ہے جسے ادارے نے شامل کیا ہے۔ دیگر اہم تبدیلیاں ٹرانسمیشن میں کی گئی ہے جو اب 5-اسپیڈ کونسٹنٹ میش ٹرانسمیشن ہے۔ واضح رہے کہ اس کی مقابل YB 125Z پہلے ہی یہ دو فیچرز رکھتی ہے یعنی اٹلس ہونڈا نے مقابلے کی دوڑ میں یاماہا کو پکڑنے کی کوشش کی ہے۔ مزید یہ کہ مینوفیکچرر نے CG 125S کو چار دلچسپ یونٹس میں متعارف کروایا ہے جن میں ایک اسپیشل ایڈیشن ویریئنٹ بھی ہے جو انی آپشنز کے ساتھ لیکن دو رنگوں میں مختلف گرافکس کے ساتھ دستیاب ہے۔ فیول ٹینک پر لگا اسٹیکر ایک نیا خوبصورت گرافک رکھتا ہے جس میں سائیڈ گارڈز سرمئی رنگ کے ہیں۔ اپگریڈڈ CG 125S میں یہی سب ہے۔
اپنے مقابل YB 125Z کے مقابلے میں جو اوور ہیڈ کیم شافٹ انجن کے ساتھ آتی ہے، اٹلس ہونڈا نے وہی 4-اسٹروک ایئر کولڈ اوورہیڈ والو (OHV) انجن برقرار رکھا ہے جو بڑی مقدار میں ابتدائی ٹارک پیدا کرتا ہے؛ جو CG125 کی علامت ہے۔ اسی OHV انجن میں موٹر سائیکل کی روایتی تھرتھراہٹ بھی کہیں نہیں جائے گی؛ البتہ CG125 کے شوقین اضافی گیئر کے ساتھ اس یونٹ کو بلاشبہ انجوائے کریں گے۔ ہونڈا CG125 جیسا کہ کے سب جانتے ہیں کہ اپنی پاوور کی وجہ سے مشہور ہے اور صارف کے نقطہ نظر سے پانچویں گیئر کے علاوہ اس میں ایسا کچھ نہیں ہے جو اس کی پاور پر اثر انداز ہوتا ہے۔ بلاشبہ آپ کے پاس سیلف اسٹارٹنگ آپشن کی عیاشی ہوگی خاص طور پر ان کے لیے جن کے لیے موٹر سائیکل کو کک اسٹارٹ کرنا مشکل ہوتا ہے۔ ملک کے بیشتر علاقوں میں بہت زیادہ ٹریفک ہونا بھی سیلف اسٹارٹنگ آپشن رکھنے والی موٹر سائیکل کے لیے سازگار ہے۔ سسپنشن کے معاملے میں YB 125Z میں فرنٹ اور ریئر دونوں پر ڈرم بریکس ہیں جبکہ CG125S بھی فرنٹ اور ریئر پر ڈرم بریکس رکھتی ہے۔ ایک اور پہلے جو دونوں موٹر سائیکل میں یکساں ہے وہ فرنٹ اور ریئر اسپوک ویل ہے۔ CG125S میں 9.2 لیٹر کی گنجائش رکھنے والا فیول ٹینک ہے جبکہ YB 125Z میں 13.0 لیٹر محفوظ کیا جا سکتا ہے۔ پاور رکھنے والی دونوں موٹر سائیکلیں ایک ہیلوجن بلب فرنٹ ہیڈلائٹ رکھتی ہیں۔ YB 125Z سرخ، کالے اور نیلے رنگوں میں دستیاب ہے۔ ہونڈا CG 125S کا خالی وزن 108 کلو گرام ہے جبکہ YB 125Z کا وزن 107 کلو گرام ہے۔ CG125S کی بور اور اسٹروک ویلیو بالترتیب 56.5 اور 49.5 ہے۔ دوسری جانب YB 125Z بھی 54 کا یکساں بور اور اسٹروک رکھتی ہے۔
اب تک ایک ایسی چیز ہے جو دونوں موٹر سائیکلوں کو ممتاز کرتی ہے؛ یہ YB 125Z کے OHC انجن کے مقابلے میں CG125S کا OHV انجن ہے۔ البتہ نئی متعارف کروائی گئی CG125S کی قیمت دیکھنا دلچسپ ہوگا۔ جیسا کہ ہم جانتے ہیں کہ کمپنی نے ریگولر ایڈیشن کے ساتھ موٹر سائیکل کا اسپیشل ایڈیشن بھی جاری کیا ہے، اس لیے ان کی (ایکس-شوروم) قیمتیں کچھ یوں ہیں:
ہونڈا CG 125S: 1,34,900 روپے
ہونڈا CG 125S اسپیشل ایڈیشن : 1,36,500 روپے
واضح رہے کہ ہونڈا CG 125 کے پچھلے ورژن کی قیمت 1,15,900 روپے تھی۔ یوں نئی موٹر سائیکل پر سیلف اسٹارٹ اور 5-اسپیڈ ٹرانسمیشن کے ساتھ صارف کو تقریباً 20 ہزار روپے اضافی ادا کرنا ہوں گے۔ دوسری جانب اس کی مقابل یاماہا YB 125Z کی اس وقت قیمت 1,23,500 روپے ہے جو نئی CG 125S کے مقابلے میں کہیں کم ہے وہ بھی ویسے ہی خصوصیات کے ساتھ۔ YB 125Z کے قریب قریب قیمت ہوتی تو CG 125S زیادہ بہتر انتخاب ہوتی۔
پاک ویلز جلد ہی دونوں موٹر سائیکلوں کا تفصیلی تقابل کرے گی۔ تب تک کے لیے نئی ہونڈا CG 125S کے بارے میں اپنے خیالات ہمیں بتائیں۔ آٹوموبائل انڈسٹری کی تازہ ترین خبروں کے لیے پاک ویلز پر آتے رہیں۔