اوبر-کریم معاہدے کے بعد کریم ملازمین بن جائیں گے لکھ پتی
مشرق وسطیٰ میں سب سے بڑے مالی سودا سمجھی جانے والی اوبر-کریم ڈیل کے ساتھ حریف کمپنیوں اوبر اور کریم نے رائیڈ-ہیلنگ سروسز پیش کرنے کے لیے اتحاد کرلیا ہے تاکہ لوگوں پاکستان سمیت دیگر ممالک کے عوام کو بھی خدمات پیش کرے۔
دو روز قبل اوبر نے کریم کو ریکارڈ 3.1 ارب ڈالرز میں خریدا۔ خبروں کے مطابق نیا معاہدہ کریم کے 275 ملازمین کو لکھ پتی بنا دے گا جن میں سے لگ بھگ 200 درہم میں لکھ پتی جبکہ 75 ڈالرز میں لکھ پتی بنیں گے۔ واضح رہے کہ معاہدہ تو ہو چکا ہے البتہ یہ مالی سودا اگلے سال کی پہلی سہ ماہی میں ہی تکمیل تک پہنچے گا۔ معاہدے کے مطابق اوبر کریم کے تمام حصص خریدے گا۔
دلچسپ بات یہ ہے کہ نہ صرف ایگزیکٹوز بلکہ آپریشنل ٹیم بھی اس معاہدے سے کافی کمائے گی بلکہ وہ لوگ بھی جو کمپنی کے ابتدائی ایام سے اس کے ساتھ ہیں اور جو طویل عرصےسے کمپنی کے لیے خدمات انجام دے رہے ہیں۔ اس معاہدے سے جن کو ٹکے کا فائدہ نہیں ہوگا وہ کریم کیپٹنز ہیں۔
اوبر نقد کی صورت میں 1.4 ارب ڈالرز دے گا جبکہ باقی رقم کریم کے لیے کنورٹیبل نوٹس کی صورت میں ہوگی جو 55 ڈالرز فی عدد کے حساب سے اسٹاک ہیں۔ ماہرین اسے مشرق وسطیٰ خطے میں سب سے بڑے معاہدوں میں سے ایک قرار دے رہے ہیں۔
کریم پہلے ہی عوام کو اس مالی سودے کے حوالے سے آگاہ کر چکا ہے، کمپنی کی پوسٹ ذیل میں دیکھیں:
“ہم اوبر کے ساتھ ایک معاہدہ کر چکے ہیں جو 3.1 ارب ڈالرز میں کریم کو حاصل کرے گا۔ کریم اوبر کی مکمل ملکیت بن جائے گا، آزادانہ حیثیت سے اپنے برانڈ اور سروسز کے ساتھ کام کرے گا۔ کریم اپنا نام، ایپ، برانڈنگ اور وہ سب کچھ برقرار رکھے گا جو آپ کو پسند ہے – ہم آپ کے لیے ہمہ وقت موجود ہیں۔”
کریم کے بارے میں:
دبئی میں قائم رائیڈ ہیلنگ سروس کریم 2012ء میں قائم ہوئی تھی، جو اب دنیا بھر میں 100 سے زیادہ شہروں میں کام کر رہی ہے اور ہر سال لاکھوں افراد کو خدمات فراہم کر رہی ہے۔
اوبر کے بارے میں:
اوبر اپنی ایپ کے ذریعے دنیا میں نقل و حرکت کے طریقے تبدیل کر رہا ہے۔ مسافروں کو انگلی کے محض ایک اشارے پر رائیڈرز سے باآسانی جوڑتے ہوئے ہم شہروں کو زیادہ قابلِ رسائی بنا رہے ہیں، رائیڈرز کے لیے نئے امکانات کھول رہے ہیں اور اپنے پارٹنر ڈرائیوروں اور ٹرانسپورٹ آپریٹرز کے لیے زیادہ کاروباری مواقع پیدا کر رہے ہیں۔ اوبر کی تیزی سے پھیلتی ہوئی عالمی موجودگی لوگوں اور ان کے شہروں کو قریب تر لا رہی ہے اور اس وقت یہ چھ براعظموں کے 77 ممالک کے 600 سے زیادہ شہروں میں اپنی خدمات فراہم کر رہی ہے۔
گاڑیوں کی دنیا سے مزید خبروں اور معلومات کے لیے PakWheels.com پر آتے رہیے۔