وفاقی وزیر برائے آبی وسائل فیصل واوڈا کراچی کنگز کی تقریب میں پیلے رنگ کی اسپورٹس کار C6 Corvette ایک مرتبہ پھر بھِڑوں کے چھتے یعنی سوشل میڈیا میں ہاتھ ڈال چکے ہیں۔
ہمیشہ کی طرح یہ تصویر فیس بک اور ٹوئٹر پر وائرل ہوئی اور آن لائن کمیونٹی کو تقسیم کردیا کہ جن میں سے چند نے واوڈا کو خود نمائی پر تنقید کا نشانہ بنایا جبکہ دیگر نے ان کے اسٹائلش قدم کو سراہا۔ یاد رہے کہ یہ پہلا موقع نہیں ہے کہ واوڈا کسی تنازع میں گھِر گئے ہوں۔ وہ کراچی کی سڑکوں پر اسپورٹس کاریں یا ہیوی بائیک چلاتے رہتے ہیں۔
انہوں نے یہ نیا تنازع تب کھڑا کیا جب وہ پاکستان سپر لیگ (PSL) کے چوتھے ایڈیشن کے لیے کراچی کنگز کی روانگی کی تقریب میں پیلے رنگ کی کورویٹ میں آئے۔ تقریب نیا ناظم آباد، کراچی میں منعقد ہوئی تھی کہ جہاں واوڈا کو کراچی کنگز کے مالک سلمان اقبال کے ساتھ دیکھا گیا۔
واوڈا کا نیا تنازع اس وقت سامنے آیا ہے جب ان کی جماعت سادگی مہم چلا رہی ہے۔ سوشل میڈیا پر ہنگامہ تھا کہ واوڈا کا طرزِ زندگی وزیر اعظم عمران خان کی سادہ زندگی کی ترجیحات سے میل نہیں کھاتا۔ البتہ واوڈا نے کچھ پرستار ضرور بنا لیے ہیں جو انہیں عمران خان کی کابینہ کا سب سے اسٹائلش وزیر کہہ رہے ہیں۔
اس بارے میں آپ کی رائے کیا ہے؟ نیچے تبصروں میں ہمیں ضرور بتائیں۔ تازہ ترین خبروں کے لیے پاک ویلز پر آتے رہیے۔
