چینی مینوفیکچرر گندھارا نسان پاکستان میں ایکس 200 لانچ کرنے والا ہے
حیرت انگیز طور پر بدلتے ہوئے حالات میں اطلاع ملی ہے کہ گندھارا نسان لیمیٹڈ نے جے اے سی موٹرز کے ساتھ ایک مشترکہ منصوبہ پر دستخط کیے ہیں جس کے تحت وہ پاکستان میں لائٹ کمرشل ٹرک ایکس 200 کی درآمد، اسیمبلی اور ڈسٹریبیوشن کر سکے گا۔
چینی کار ساز جے اے سی موٹرز پچھلے 50 سال سے گاڑیوں کی اسیمبلنگ کے کاروبار سے منسلک ہے اور مختلف طرح کی گاڑٰیاں بنانے میں مہارت رکھتا ہے۔
اطلاعات کے مطابق، گندھارا نسان لیمیٹڈ کے سٹاک کی قیمت بہت تیزی سے بڑھ رہی ہے۔ اس کے سٹاک کی قیمت کا آغاز 262.10 روپے سے ہوا جو کہ 12.49 روپے اضافہ کے ساتھ 274.59 روپے پر بند ہوا۔
ایکس 200 لائٹ ٹرک یورو 1،2،3، اور 4 خصوصیات کے ساتھ پیش کیے جارہے ہیں جو کہ 2.8 لیٹر کے انجن کے ساتھ لیس ہیں۔ ہوسکتا ہے کہ یہ وہیکل اس کیٹگری میں پہلے سے موجود ٹرکوں کا شدید مقابلہ کرے۔ مزید یہ بتانا بھی انتہائی ضروری ہے کہ گندھارا نسان لیمیٹڈ نے نسان موٹر کمپنی جاپان کے ساتھ ایک ٹیکنیکل معاہدہ اور نسان ڈیزل کمپنی کے ساتھ ایک مشترکہ منصوبہ پر دستخط کیے ہیں جس کے تحت وہ بتدریج مسافر بردار گاڑیوں، لائٹ اور ہیوی ڈیوٹی وہیکلز اسیمبل کریں گے۔ فی الحال کمپنی کا پلانٹ کراچی میں پورٹ قاسم کے قریب موجود ہے۔
