حکومت ممکنہ طور پر یکم جون 2019ء کو پٹرولیم مصنوعات کی قیمت میں 12 روپے تک کا اضافہ کرے گی
ایک مقامی میڈیا ادارے نے بتایا ہے کہ وفاقی حکومت مبینہ طور پر یکم جون 2019ء سے پٹرولیم مصنوعات کی قیمتوں میں 12 روپے تک کا اضافہ کرے گی۔
تفصیلات کے مطابق آئل اینڈ گیس ریگولیٹری اتھارٹی (OGRA) 30 مئی کو حکومت کو قیمت میں اضافے کی سمری بھیجے گا۔ وزیر اعظم پاکستان سے منظوری کے بعد اگلے مہینے کے لیے قیمتیں تبدیل کردی جائیں گی۔
پٹرول کی قیمت میں 10 روپے فی لیٹر تک کا اضافہ ہو سکتا ہے، ہائی-اسپیڈ ڈیزل اور مٹی کے تیل میں 12 روپے جبکہ لائٹ-ڈیزل آئل کی قیمت میں 8 روپے کا اضافہ ممکن ہے۔ یہ تجاویز بین الاقوامی مارکیٹ میں تیل کی مصنوعات کی قیمتوں میں آنے والی کمی بیشی اور امریکی ڈالر کے مقابلے میں پاکستانی روپے کی قدر میں آنے والی کمی کی وجہ سے پیش کی گئی ہیں۔
حکومت اس معاملے پر حتمی فیصلہ 31 مئی 2019ء کو کرے گی۔
تیل کی موجودہ قیمتیں یہ ہیں:
پٹرول: 108.42 روپے فی لیٹر
ہائی-اسپیڈ ڈیزل: 122.32 روپے فی لیٹر
مٹی کا تیل: 86.94 روپے فی لیٹر
لائٹ-اسپیڈ ڈیزل: 96.77 روپے فی لیٹر
آٹوموٹو انڈسٹری کی ایسی ہی دیگر خبروں کے لیے پاک ویلز پر آتے رہیے۔ اپنے تبصرے نیچے دیے گئے حصے میں کیجیے۔