گرینڈ کارنیوَل کی قیمت میں 7 لاکھ روپے کا اضافہ!
اِسوزو کے بعد کِیا موٹرز نے بھی اپنی پروڈکٹ، گرینڈ کارنیوَل کی قیمت میں 7,00,000 روپے کا اضافہ کردیا ہے۔
تفصیلات کے مطابق کمپنی کی جانب سے صرف EX ویرینٹ کی قیمت بڑھائی گئی ہے جبکہ دیگر ویرینٹ LX میں کوئی تبدیلی نہیں کی گئی۔ گرینڈ کارنیوَل EX کی نئی قیمت 64,99,000 روپے کا اضافہ کیا گیا ہے، جو پہلے 57,99,000 روپے تھی۔ مزید یہ کہ LX ویرینٹ کی قیمت 48,99,000 روپے ہے۔
اس کی کوئی واضح وجوہات نہیں کہ کمپنی نے قیمتیں کیوں بڑھائیں، البتہ، صنعتی ماہرین کے مطابق معاشی عدم استحکام اور امریکی ڈالر کے مقابلے میں روپے کی گھٹتی ہوئی قدر اس کی وجوہات ہو سکتی ہیں۔
تیسری جنریشن کی کِیا گرینڈ کارنیوَل ایک فرنٹ انجن، فرنٹ ویل ڈرائیو MPV ہے، جو 11 نشستوں کی گنجائش میں دستیاب ہے۔ یہ گاڑی دنیا کے دوسرے خطوں میں کِیا سیڈونا کے نام سے بھی دستیاب ہے۔ کِیا گرینڈ کارنیوَل پاکستان میں دو ویرینٹس؛ LX اور EX میں دستیاب ہے۔
یہ گاڑی 3.3 لیٹر DOHC، 24 والو V6 انجن کے ساتھ آتی ہے جو 6-اسپیڈ آٹو ٹرانسمیشن سے لیس ہے جو 6,400 rpm پر 270 ہارس پاور اور 5,200 پر 318Nm پیدا کرتا ہے۔
کِیا موٹرز کے علاوہ الحاج فا اور اِسوزو نے بھی اپنی گاڑیوں کی قیمتوں میں بہت زیادہ تبدیلی کی ہے۔ مزید یہ کہ پاک سوزوکی نے اپنی موٹر سائیکلوں کی قیمتوں میں 8,000 روپے تک کا اضافہ کیا ہے۔
آٹومیکرز کی جانب سے ہونے والے اس حالیہ اضافے کے بارے میں آپ کی رائے کیا ہے؟ ہمیں ضرور بتائیے۔