آٹوموٹِو حلقوں میں ہونڈا سِٹی کی نئی شکل کے بارے میں افواہیں گردش کر رہی ہیں، جس میں کہا جا رہا ہے کہ پاکستان 2019ء میں گاڑی کی مکمل نئی شکل متعارف کروا سکتا ہے۔ لیکن آفیشل ذرائع کے مطابق ادارے کا ہونڈا سِٹی کی نئی صورت لانے کا کوئی ارادہ نہیں۔
پاکستان آٹوموٹو مینوفیکچررز ایسوسی ایشن (PAMA) کے جاری کردہ فروخت کے اعداد و شمار کے مطابق ہونڈا سِٹی اور سِوِک کی فروخت میں مجموعی طور پر 24 فیصد کمی آئی ہے۔
سمجھا جا رہا ہے کہ اس افواہ نے گاڑی کی فروخت کو متاثر کیا، یعنی عوام پہلے ہی گاڑی کی نئی شکل و صورت کی توقع لگائے بیٹھے ہیں۔
اس کے علاوہ نان-فائلرز پر مستقل پابندی کی وجہ سے گاڑیوں کی بکنگز میں 30 فیصد کمی آئی ہے اور اندازہ ہے کہ 2018ء کے اختتام تک بکنگز 2,40,000 سے گھٹ کر 1,68,000 رہ جائیں گی۔