پاکستان میں ہونڈا سِوک 2016 کی رونمائی؛ تیاریاں عروج پر!
پاکستان میں تیار کی جانے والی نئی ہونڈا سِوک 2016 کی باضابطہ رونمائی ہونے جارہی ہے۔ اس سلسلے میں لاہور سمیت ملک کے دیگر شہروں میں تیاریاں زور و شور سے جاری ہیں۔ اب سے چند روز قبل ہونڈا پاکستان کی جانب سے اپنے تمام ڈیلرشپس کو سِوک کے دونوں ماڈل 1.5 ٹربو اور 1.8 اوریئل بھیجے جاچکے ہیں تاکہ وہ عام صارفین کو نئی سِوک کا دیدار کروا سکیں۔ اس سلسلے میں ہونڈا کے مختلف شورومز کو بھی سجایا گیا ہے جس کی تصاویر ہم اپنے قارئین کی خدمت میں پیش کر رہے ہیں:
یہ بھی پڑھیں: ہونڈا ایٹلس کی جانب سے سِوک 2016 کی باضابطہ رونمائی کا عندیہ
ہونڈا سِوک کی باقاعدہ رونمائی کے لیے صرف شورومز ہی کو نہیں سجایا گیا بلکہ لاہور کے ایکسپو سینٹر میں بھی خصوصی انتظامات کیے جارہے ہیں۔ توقع ہے کہ یہاں ہونڈا ایٹلس ایک بڑا پروگرام منعقد کرے گی جس میں سِوک 2016 کی رونمائی انجام پائے گی۔
