اپنی 20 ویں سالگرہ پر ہونڈا ایس 2000 کی واپسی؟
مشہورِ زمانہ ہونڈا 9000RPM ہونڈا S2000 اگلے سال اپنے 20 سال مکمل ہونے پر ایک کسٹم اپڈیٹڈ گاڑی کی حیثیت سے ایک مرتبہ پھر آ رہی ہے تاکہ اس مشہور roadster کی 20 ویں سالگرہ منائی جائے اور اس کے چاہنے والوں کو ماضی کی یاد دلائی جائے۔
خواہش ہے کہ S2000 کی قیمتیں آئندہ دنوں میں کم ہوں گی لیکن اس کے امکانات بہت کم ہیں۔ ہونڈا سب کو یہ یاد دلانے کے لیے جرات مندانہ قدم اٹھا رہا ہے کہ یہ پرانی روڈسٹر کتنی انوکھی ہے، جنوری میں اس گاڑی کے 20 سال مکمل ہونے پر ایک اسپیشل iconic یونٹ بنا رہا ہے جسے وہ اگلے ٹوکیو آٹو سیلون میں پیش کرے گا۔
واضح رہے کہ ہونڈا نے 10 سال پہلے ہی S2000 کی پیداوار بند کر دی تھی۔ ہونڈا S2000 ایک اوپن ٹاپ اسپورٹس کار ہے جو 1999ء سے 2009ء تک بنائی گئی۔ اس کار کی پہلی رونمائی 1995ء میں ٹوکیو آٹو سیلون موٹر شو میں ایک کونسپٹ کار کی حیثیت سے کی گئی تھی اور 1999ء میں ہونڈا نے اسے باضابطہ طور پر فروخت کے لیے پیش کیا۔ ابتدائی طور پر اس کے دو ماڈلز پیش کیے گئے جن میں بنیادی ماڈل کا نام AP1 تھا جبکہ دوسرا فلی لوڈِڈ اور فیس لفٹڈ ورژن تھا جسے AP2 کہا جاتا ہے۔
ہونڈا S2000 نے مارکیٹ میں بڑا نام کمایا اور 124HP فی لیٹر کے غیر معمولی پاور آؤٹ پٹ کی وجہ سے مشہور تھی یعنی تقریباً دو ہارس پاور فی مکعب انچ، جو بڑے پیمانے پر بنائے گئی کسی بھی نیچرلی ایسپائریٹڈ انجن کی کار میں سب سے زیادہ ہے۔
یہ 2.0 لیٹر فور-سلنڈر انجن رکھتی تھی جو 237bhp اور 153lb ft ٹارک پیدا کرنے کی صلاحیت رکھتا تھا۔ 1,260 کلو گرام کرب ویٹ کے ساتھ مل کر یہ 6.2 سیکنڈز میں 0 سے 60 میل فی گھنٹہ کی رفتار پکڑ لیتی ہے۔ اس کار کی زیادہ سے زیادہ رفتار 150 میل فی گھنٹہ ہے۔
اس انجن کے بارے میں کسی بھی ایسے شخص سے پوچھیں جو S2000 چلا چکا ہے۔ یہ ایک بہترین ہونڈا VTEC انجن ہے؛ ایسا جو دو مخصوص کریکٹرز رکھتا ہے۔
S2000 ایک چھوٹی کار ہے اور چاہے آپ خود بھی کتنے ہی چھوٹے کیوں نہ ہو، ایسا لگتا ہے کہ اس میں گھس کر بیٹھنا پڑتا ہے، خاص طور پر جبکہ ڈرائیونگ پوزیشن غیر معمولی حد تک بلند ہے اور اسٹیئرنگ ویل میں کوئی ایڈجسٹمنٹ بھی نہیں ہے۔ انٹیریئر دیکھیں تو اس میں نوّے کی دہائی کے اواخر کا انداز اور صورت نظر آتی ہے۔ یہ ایک کنورٹیبل ہے اور آپ پاس کسی بھی وقت چھت کو اٹھا سکتے ہیں، چاہے سخت سردی ہی کیوں نہ ہو۔ یہ چھت تہہ ہو جاتی ہے اور ہموار انداز سے نیچے ہو جاتی ہے۔
قیمت دیکھیں تو سادہ ورژن AP1 کی قیمت 8,000 ڈالرز کے قریب ہے جبکہ فیس لفٹڈ ورژن AP2 کی قیمت 12,000 ڈالرز سے شروع ہوتی ہے۔ 1999ء سے 2009ء تک اس کار کے 11,000 سے زیادہ یونٹس دنیا بھر میں فروخت ہوئے۔ S2000 متعدد اپڈیٹس اور بہتریوں کے ساتھ ایک دہائی تک فروخت ہوتی رہی۔
گو کہ ہونڈا نے اس کی پیداوار باضابطہ طور پر بند کر دی تھی، لیکن S2000 اگلے سال باضابطہ طور پر واپس آ رہی ہے لیکن یاد رکھیں کہ یہ باقاعدہ پیداوار نہیں ہوگی کیونکہ ہونڈا نے اسے 20 ویں سالگرہ کا پروٹوٹائپ کہا ہے۔ یعنی 20 ویں سالگرہ کے لیے صرف ایک کسٹم یونٹ بنایا جائے گا۔ تو اس حوالے سے زیادہ جذباتی ہونے کی ضرورت نہیں۔