کراچی: 8 اکتوبر 2019ء – لاہور میں اوّلین 3S ڈیلر اور ڈجیٹل شوروم کے افتتاح کے مطابق ہیونڈائی نشاط موٹرز (پرائیوٹ) لمیٹڈ (HNMPL) نے کلفٹن، کراچی میں واقع ایمیرلڈ ٹاور میں اپنا دوسرا ڈجیٹل شوروم کھول لیا ہے اور یوں ملک کے سب سے بڑے شہر میں اپنے قدم رکھ دیے ہیں۔ HNMPL نے اس ڈجیٹل شوروم کے افتتاح کے موقع پر عالمی مارکیٹ میں بہت زیادہ سراہی گئی نئی ہیونڈائی آیونِک ہائبرڈ بھی فخریہ طور پر متعارف کروائی۔
ڈجیٹل شورومز “سٹی اسٹور” کانسپٹ کے تحت بنائے گئے ہیں، جو آٹو مارکیٹ میں گیم چینجر ہے اور روایتی شو رومز کی جگہ ایک باسہولت مکمل ڈجیٹلائزڈ ریٹیل تجربہ دے رہے ہیں۔
آیونِک ایک ہائبرڈ کار ہے جو اپنی الیکٹرک موٹر اور 6-اسپیڈ آٹومیٹک DCT (ڈوئل کلچ ٹرانسمیشن) کے حامل 1.6L GDI انجن کے ساتھ کم فیول خرچ کرتی ہے اور دھواں بھی کم چھوڑتی ہے۔ آیونک کی رونمائی کے علاوہ 2.4L پٹرول انجن رکھنے والی 12 نشستوں کی MPV گرینڈ اسٹاریکس اور 2.4L گیسولین انجن اور سات افراد کی گنجائش رکھنے والی آل وِیل ڈرائیو SUV سانتا فی کی رونمائی بھی کی گئی اور یہ بھی شوروم پر دستیاب ہیں۔ یہ تمام ماڈلز کوریا سے امپورٹڈ یعنی درآمد شدہ ہیں اور پاکستان میں انڈسٹری کی سب سے بھرپور وارنٹی رکھتے ہیں جو چار سال اور/یا 1,00,000 کلومیٹرز کی ہے، جو بھی پہلے مکمل ہو۔
دنیا کا معروف آٹوموبائل برانڈ ہیونڈائی پاکستان بھر میں اپنے 3S ڈیلر نیٹ ورک کو تیزی سے پھیلا رہا ہے اور پہلے مرحلے میں 2019ء میں پاکستان کے 8 بڑے شہروں میں دس سے زیادہ 3S ڈیلرز قائم کیے گئے اور 2020ء سے ملک بھر میں مزید بنائے جائیں گے۔ یوں ہیونڈائی صارفین تمام سہولیات باآسانی پائیں گے جیسا کہ سیلز، سروسز، اسپیئر پارٹس، آفیشل وارنٹی اور اپنے نیٹ ورک کے ذریعے دیگر قابلِ اعتماد پیشکشیں۔ مزید یہ کہ انٹریکشنز اور ٹرانزیکشنز کے علاوہ ڈجیٹل کنیکٹیوٹی کے ذریعے کمپنی معلومات تک بھی رسائی حاصل کی جا سکتی ہے۔
HNMPL کی نئی مینوفیکچرنگ تنصیب فیصل آباد میں 67 ایکڑ کے رقبے پر پھیلی ہوئی ہے جو 15,000 یونٹس تک کی سالانہ پیداواری گنجائش رکھتی ہے، جبکہ اقتصادی ترقی کے لیے روزگار کے ہزاروں مواقع دیتی ہے۔ HNMPL تین بڑے بین الاقوامی کاروباری اداروں کا مشترکہ منصوبہ ہے؛ نشاط گروپ، سوجٹز کارپوریشن (جاپان) اور ملت ٹریکٹرز لمیٹڈ۔ ہیونڈائی موٹر کمپنی (کوریا) نے ملک میں گاڑیوں کے مقبول مینوفیکچرر، مارکیٹر اور ڈسٹری بیوٹر بننے کے وژن کے ساتھ HNMPL کے ساتھ تعاون کیا ہے۔ گاڑیوں اور اس سے بڑھ کر تاحیات شراکت دار۔
