ہیونڈائی-نشاط موٹرز نے سانتا فی لانچ کردی – خصوصیات اور قیمت جانیں
کافی انتظار کے بعد ہیونڈائی-نشاط موٹرز نے بالآخر 12 فروری2019ء کو امپوریم مال، لاہور میں اپنے ڈجیٹل شوروم میں منعقدہ ایک تقریب کے دوران اپنی SUV سانتا فی پاکستان میں پیش کردی۔
ہیونڈائی سانتا فی 2.4 MPI آٹکنسن سائیکل، گیسولین انجن سے لیس ہے جو پیڈل شفٹرز کے ساتھ 6-اسپیڈ آٹومیٹک ٹرانسمیشن رکھتا ہے جو 6,000 rpm پر 170 hp اور 4,000 rpm پر 225 Nm ٹارک پیدا کرتا ہے۔ یہ نئی SUV آل-ویل ڈرائیو ہے اور کمپنی نے اسے مقامی مارکیٹ میں صرف ایک ویریئنٹ میں پیش کیا ہے۔
گاڑی کی پیمائش کچھ یوں ہے:
لمبائی: 4470 ملی میٹر
چوڑائی: 1890 ملی میٹر
اونچائی: 1705 ملی میٹر اور ویل بیس 2765 ملی میٹر کا ہے۔
سانتا فی کی خصوصیات اور سہولیات یہاں دیکھیں
یہ گاڑی کی سامنے والی پٹی چوڑی چکلی ہے اور تمام جدید فیچرز کے ساتھ اس میں پریمیم کلاس انٹیریئر موجود ہے۔ مزید برآں جہاں تک سیفٹی فیچرز کا تعلق ہے تو یہ گاڑی SRS ایئر بیگز (ڈرائیور-پسنجر)، ABS، ESC، HAC، DBC، EPB، انجن موبلائزر، پارکنگ سینسر وغیرہ سےلیس ہے۔
واضح رہے کہ سانتافی پینواراما سن روف رکھتی ہے اور کی لیس انٹری کا آپشن بھی، مزید یہ کہ ہیونڈائی کے مطابق اس گاڑی کی قیمت 16 ملین روپے سے شروع ہوتی ہے اور آپ کے منتخب کردہ فیچرز کے ساتھ 18.5 ملین روپے تک جاتی ہے۔
جنوبی کوریا کا عظیم آٹوموٹو ادارہ ہیونڈائی ایک مرتبہ پھر ہیونڈائی-نشاط موٹر پرائیوٹ لمیٹڈ (HNMPL) کے نام سے پاکستان میں داخل ہو چکا ہے۔ HNMPL ایک گرین فیلڈ سرمایہ کاری ہے، جو M3 انڈسٹریل سٹی، فیصل آباد میں ایک اسمبلی پلانٹ تیار کر رہی ہے۔ یہ امر قابلِ ذکر ہے کہ میاں منشا، بانی و CEO نشاط گروپ نے یہ بھی کہا ہے کہ ابتدائی طور پر 7,000 گاڑیوں کی پیداوار کی جائے گی؛ بعد ازاں اگلے پانچ سالوں میں پیداواری گنجائش کو30,000 تک بڑھایا جائے کا۔
اس SUV کی تفصیلات، خصوصیات اور تصاویر ذیل میں دیکھیں:
سانتا فی کے تفصیلی جائزے کے لیے PakWheels.com پر آتے رہیے۔